Electric scooter : तुम्हाला जर इलेक्ट्रिक स्कूटर खरेदी करायची असेल तर तुमच्यासाठी आनंदाची बातमी (Good News) आहे. मात्र यासाठी तुम्हाला थोडी प्रतीक्षा करावी लागणार आहे.

कारण देशातील सर्वात मोठी दुचाकी कंपनी Hero MotoCorp पुढील महिन्यात देशांतर्गत बाजारात (Market) आपले पहिले इलेक्ट्रिक वाहन (EV) सादर करण्याच्या तयारीत आहे.

यासोबतच कंपनी इलेक्ट्रिक वाहनांच्या बाजारातही उतरणार आहे. या स्कूटरचे लाँचिंग (Launching) 7 ऑक्टोबरला होणार आहे. मॉडेलच्या किमती येत्या काही आठवड्यांत उघड होतील. याची किंमत जवळपास 1 लाख रुपये असू शकते असे मानले जात आहे.

कंपनीने आपल्या ‘विडा’ ब्रँड अंतर्गत 7 ऑक्टोबर 2022 रोजी शेअर बाजारांना दिलेल्या माहितीत एका कार्यक्रमाची माहिती दिली आहे.

Hero MotoCorp ची नवीन इलेक्ट्रिक दुचाकी TVS iQube, Bajaj Chetak, Ola S1 सारख्या स्कूटरशी स्पर्धा करेल. यापूर्वी असे वृत्त आले होते की बाईक निर्मात्याने बॅटरी स्वॅपिंग तंत्रज्ञानासाठी तैवानच्या गोगोरो कंपनीशी करार केला आहे.

जयपूर, राजस्थान येथे कंपनीच्या कार्यक्रमासाठी डीलर्स, गुंतवणूकदार आणि जागतिक वितरकांना आमंत्रित करण्यात आले आहे. उद्योगातील सूत्रांनी दिलेल्या माहितीनुसार, कंपनी या कार्यक्रमात आपले पहिले ईव्ही उत्पादन सादर करणार आहे.

Hero MotoCorp ने या वर्षी मार्चमध्ये सांगितले की त्यांनी 10,000 हून अधिक उद्योजकांना त्यांच्या इलेक्ट्रिक वाहनांसह पर्यावरण, सामाजिक आणि प्रशासन (ESG) सोल्यूशनवर मदत करण्यासाठी $100 दशलक्ष (सुमारे 760 कोटी) जागतिक निधी तयार केला आहे. Hero MotoCorp आपल्या Vida ब्रँड अंतर्गत उदयोन्मुख वाहतूक उपाय सादर करण्याची योजना आखत आहे.