7th Pay Commission : वाढत्या महागाईच्या काळात केंद्रीय कर्मचाऱ्यांचे जीवनमान सुरळीत चालावे यासाठी केंद्र सरकारकडून कर्मचाऱ्यांच्या महागाई भत्त्यात वर्षातून २ वेळा वाढ केली जाते. नवीन वर्षात केंद्रीय कर्मचाऱ्यांच्या महागाई भत्त्यात पुन्हा वाढ केली जाण्याची शक्यता वर्तवली जात आहे.

जानेवारी २०२३ पासून त्याची अंमलबजावणी होऊ शकते. हा अंदाज कामगार विभागाने नुकत्याच जाहीर केलेल्या सप्टेंबरच्या AICPI निर्देशांकाच्या आकडेवारीत झालेल्या वाढीवरून काढण्यात आला आहे, जरी सरकारकडून अद्याप कोणतीही अधिकृत पुष्टी किंवा संकेत मिळालेले नाहीत.

वास्तविक, सध्या केंद्रीय कर्मचाऱ्यांचा महागाई भत्ता ३८ टक्के आहे. 1 जुलै 2022 पासून कर्मचाऱ्यांना 38 टक्के डीएचा लाभ मिळत आहे. केंद्र सरकारकडून केंद्रीय कर्मचाऱ्यांच्या महागाई भत्त्यात वर्षातून दोनदा वाढ केली जाते.

दर सहा महिन्यांनी महागाई भत्त्यात वाढ होते आणि किती वाढणार, हे AICPI निर्देशांकाच्या आकडेवारीवर अवलंबून आहे. या भागात, कामगार मंत्रालयाने सप्टेंबर महिन्यातील AICPI निर्देशांकाची आकडेवारी जाहीर केली असून, जुलै-ऑगस्टच्या तुलनेत सप्टेंबरच्या आकडेवारीत 1.1 अंकांची वाढ झाली आहे.

सप्टेंबरमध्ये, हा आकडा 130.2 वरून 131.3 पर्यंत वाढला आहे, त्यामुळे जानेवारी 2023 मध्ये, असे मानले जाते की DA पुन्हा एकदा सुमारे 4% वाढेल.

50 लाख कर्मचारी आणि 65 लाख पेन्शनधारकांना याचा लाभ मिळणार असून 2023 मध्ये डीए 4 टक्क्यांनी वाढवल्यास 42 टक्के होईल. यासह, किमान मूळ वेतनावर दरमहा एकूण 720 रुपये आणि कमाल वेतनात 2276 रुपये प्रति महिना वाढ अपेक्षित आहे.

जानेवारी आणि जुलै २०२२ साठी महागाई भत्ता जाहीर झाला आहे, आता जानेवारी २०२३ मध्ये महागाई भत्ता वाढणार आहे. मार्च 2023 पर्यंत त्याची घोषणा केली जाईल.

त्याची गणना बेसिक पे आधार म्हणून विचारात घेऊन टक्केवारीत असेल. जानेवारीमध्ये महागाई भत्ता ३८ टक्क्यांवरून ४२ टक्क्यांपर्यंत वाढण्याची शक्यता आहे. मात्र, अद्याप अधिकृत दुजोरा मिळालेला नाही.