EPFO Pensioners : केंद्र सरकार (Central Govt) पेन्शनधारकांना मोठी भेट (big gift) देण्याची तयारी करत आहे. सरकार पेन्शनधारकांचे जीवन सुसह्य करण्यासाठी पोर्टल विकसित करण्यावर काम करत आहे. पेन्शन आणि पेन्शनर्स वेलफेअर (DOPPW) विभागाचे सचिव व्ही श्रीनिवास (V Srinivas) यांनी ही माहिती दिली.

श्रीनिवास म्हणाले की, पेन्शनधारकांना कोणत्याही प्रकारची अडचण येऊ नये. ते म्हणाले की यासाठी DoPPW कृत्रिम बुद्धिमत्ता/मशीन लर्निंग सक्षम एकात्मिक पेन्शनर पोर्टलवर काम करत आहे.

हे पोर्टल DOPPW पोर्टल – ‘भविष्य’ आणि विविध बँकांच्या पेन्शन पोर्टलला जोडेल. पेन्शनधारक, सरकार आणि बँक यांच्यात सुरळीत संवाद व्हावा यासाठी त्यात चॅट बॉटचा पर्याय असेल.

श्रीनिवास यांच्या म्हणण्यानुसार, डिजीटल प्रणाली तयार करण्यासाठी विभाग पंजाब नॅशनल बँक (PNB) तसेच इतर बँकांच्या सहकार्याने एक तांत्रिक टीम देखील तयार करत आहे.

EPFO नेही सुरू केली ही सुविधा

अलीकडेच EPFO ​​ने पेन्शनधारकांसाठी एक नवीन सुविधा सुरू केली आहे. या अंतर्गत पेन्शनधारक आता त्यांचे डिजिटल जीवन प्रमाणपत्र दाखल करण्यासाठी चेहरा ओळखण्याच्या सुविधेची मदत घेऊ शकतात.

वृद्धापकाळामुळे त्यांचे बायोमेट्रिक्स (फिंगरप्रिंट आणि बुबुळ) जुळवण्यात अडचणी येत असलेल्या निवृत्तीवेतनधारकांना जीवन प्रमाणपत्र दाखल करण्यासाठी हे मदत करेल.