Evtric Motors : इलेक्ट्रिक स्कूटरची क्रेझ खूप वाढत आहे. ही वाढती क्रेझ पाहता, भारतीय इलेक्ट्रॉनिक दुचाकी उत्पादक कंपनी एव्हट्रिक मोटर्सने दोन उत्तम स्कूटर लॉन्च केले आहेत. कंपनीने या स्कूटर्स EVTRIC Ride HS आणि EVTRIC Mighty Pro या नावाने लॉन्च केल्या आहेत. विशेष म्हणजे दोन्ही स्कूटर अतिशय कमी किमतीत लॉन्च करण्यात आल्या आहेत.

यासोबतच कंपनीचा दावा आहे की, नवीन स्कूटर एका चार्जवर 120 किमीपर्यंतची रेंज देते. म्हणजेच इलेक्ट्रॉनिक वाहनांमध्ये युजर्सना नवा पर्याय मिळाला आहे. ग्रेटर नोएडा येथील एक्स्पो सेंटरमध्ये झालेल्या कार्यक्रमादरम्यान दोन्ही इलेक्ट्रिक स्कूटरना एंट्री मिळाली आहे. दोन्ही इलेक्ट्रिक स्कूटरमध्ये नवीन तंत्रज्ञान आणि उत्कृष्ट डिझाइन दिसत आहे. चला तर मग जाणून घेऊया EVTRIC Motors च्या E-Scooter मध्ये काय खास आहे आणि त्यांची किंमत काय आहे.

EVTRIC Ride HS आणि EVTRIC Mighty Pro च्या किमती

कंपनीने EVTRIC Ride HS स्कूटर 81,838 रुपये लाँच केली आहे, तर EVTRIC Mighty Pro मॉडेल 79,567 रुपयांच्या एक्स-शोरूम किमतीत लॉन्च केले आहे. बुकिंगसंदर्भातील माहितीही कंपनीने स्पष्ट केली आहे. जर तुम्हालाही ही स्कूटर बुक करायची असेल, तर तुम्ही फक्त 10,000 रुपये मोजून ही स्कूटर बुक करू शकता. बुकिंगसाठी, तुम्हाला अधिकृत वेबसाइटला भेट द्यावी लागेल किंवा जवळच्या डीलरशिपला भेट देऊन ही इलेक्ट्रिक स्कूटर बुक करावी लागेल.

EVTRIC Ride HS ची वैशिष्ट्ये

डिझाईनबद्दल बोलायचे झाले तर ही स्कूटर मस्त लूकमध्ये दिसत आहे, खास गोष्ट म्हणजे ती सामान्य पेट्रोल वाहनांच्या डिझाइनसारखी दिसते. कंपनीने यामध्ये 55 किमी प्रतितास या टॉप स्पीडचा दावा केला आहे. यासोबतच ही स्कूटर एका चार्जवर 120 किमीची रेंज देते. चार्जिंगच्या वेळेबद्दल बोलायचे झाल्यास, तुम्ही 4 तासात स्कूटर पूर्णपणे चार्ज करू शकता. कंपनीने ही इलेक्ट्रिक स्कूटर ब्लॅक, व्हाईट आणि ग्रीन अशा तीन कलर ऑप्शनमध्ये बाजारात आणली आहे.

EVTRIC Mighty Pro ची वैशिष्ट्ये

या इलेक्ट्रिक स्कूटरची रचनाही जवळपास सारखीच आहे, परंतु या इलेक्ट्रिक स्कूटरला HS मॉडेलपेक्षा थोडा जास्त वेग मिळतो. म्हणजेच, कंपनी यामध्ये 65 किलोमीटर प्रति तासाचा टॉप स्पीड देत आहे. त्याचबरोबर या स्कूटरमध्ये तुम्हाला 120 किमीची रेंजही मिळेल. दोन्ही इलेक्ट्रिक स्कूटरमध्ये लिथियम-आयन रिमूव्हल बॅटरी आहे. कलर ऑप्शनबद्दल बोलायचे झाले तर युजर्सना माईटी प्रो मॉडेलसाठी रेड, व्हाईट आणि ग्रे असे तीन कलर पर्याय मिळतील.