Free Insurance Policy : आपला आणि आपल्या कुटूंबाचे भविष्य सुरक्षित राहावे म्हणून आपण जीवन, वैद्यकीय, प्रवास किंवा इतर विमा पॉलिसी घेतो आणि त्यांना काही ठराविक प्रीमियम देखील दरमहा किंवा वर्षातून एकदा भरतो.

मात्र तुम्हाला माहिती आहे का मार्केटमध्ये सध्या काही विमा पॉलिसी फ्रीमध्ये देखील उपलब्ध आहे. याची माहिती बहुतेक लोकांना नसते यामुळे त्यांना या पॉलिसीचा योग्य लाभ घेता येत नाही. म्हणून आज आम्ही तुम्हाला फ्रीमध्ये मिळणाऱ्या विमा पॉलिसीबद्दल संपूर्ण माहिती देणार आहोत ज्याचा लाभ तुम्ही भविष्यात घेऊ शकतात. चला तर जाणून घ्या या विमा पॉलिसीबद्दल संपूर्ण माहिती.

SIP वर देखील विमा संरक्षण

तुमचा विश्वास बसणार नाही पण अनेक फंड हाऊसेस त्यांच्या स्कीममध्ये SIP वर विमा संरक्षण देखील देतात. अनेक कंपन्यांच्या निधीवर जीवन विमा कवचही उपलब्ध आहे. सहसा या उत्पादनाला SIP प्लस विमा उत्पादन म्हणतात. प्रत्येक कंपनी हे विमा कवच आपल्या निधीसह वेगवेगळ्या नावाने देते.

उदाहरणार्थ, ICICI प्रुडेन्शियल म्युच्युअल फंडाची ‘SIP Plus’, आदित्य बिर्ला सन लाइफ म्युच्युअल फंडाची सेंच्युरी SIP, PGIM इंडिया म्युच्युअल फंडाची स्मार्ट SIP आणि निप्पॉन इंडियाची ‘SIP विमा’ योजना. वास्तविक, ही एक एकत्रित मोफत जीवन विमा योजना आहे, जी एक प्रकारची समूह विमा योजना आहे. 18 ते 51 वर्षे वयोगटातील गुंतवणूकदार एसआयपी प्लस विमा योजनेसाठी पात्र आहेत. तथापि, कव्हरेजचे वय कंपनीनुसार बदलते. काही फंडांमध्ये, हे कव्हरेज वयाच्या 60 वर्षापर्यंत असते. यामध्ये कमाल 50 लाख रुपयांपर्यंतचे जीवन विमा संरक्षण आहे.

डेबिट/क्रेडिट कार्डवर विमा

जवळपास सर्व सार्वजनिक किंवा खाजगी क्षेत्रातील बँका खातेधारकांना त्यांच्या डेबिट कार्डवर विमा संरक्षण प्रदान करतात. यामध्ये वैयक्तिक अपघात कव्हर, खरेदी संरक्षण कवच आणि कायमस्वरूपी अपंगत्व कव्हर यासह विविध प्रकारचे कव्हर आहेत.

हे कव्हर 10 लाख रुपयांपर्यंत आहे. दुसरीकडे, ग्राहकाच्या क्रेडिट कार्ड प्रकारावर आणि सेवा प्रदात्याद्वारे ऑफर केलेल्या क्रेडिट कार्ड मर्यादेनुसार क्रेडिट कार्डवर विमा संरक्षण देखील उपलब्ध आहे. क्रेडिट कार्डवर साधारणपणे 4 प्रकारचे कव्हरेज असतात, ज्यात अपघात विमा, प्रवास विमा, क्रेडिट विमा आणि खरेदी विमा यांचा समावेश होतो. वेगवेगळ्या बँकांच्या क्रेडिट कार्डवरील कव्हरेज मर्यादा वेगळी आहे. हे जाणून घेणे महत्त्वाचे आहे की क्रेडिट कार्ड सक्रिय असतानाच हे विमा संरक्षण उपलब्ध आहे.

EDLI 7 लाखांपर्यंत कव्हर

कर्मचारी भविष्य निर्वाह निधी (EPF) मध्ये नोंदणी केलेल्या कर्मचार्‍यांना जीवन संरक्षण म्हणजेच जीवन विम्याची सुविधा देखील मिळते. कर्मचारी भविष्य निर्वाह निधी संघटना (EPFO) चे सर्व सदस्य कर्मचारी ठेव लिंक्ड विमा योजना 1976 (EDLI) अंतर्गत समाविष्ट आहेत. यामध्ये मालकाच्या म्हणजेच कंपनीच्या वतीने प्रीमियम म्हणून थोडी रक्कम दिली जाते.

या अंतर्गत, EPFO सदस्यांना 2.5 लाख ते 7 लाख रुपयांपर्यंतचे विमा विमा संरक्षण मिळते. कमाल कव्हर फक्त 7 लाख रुपये आहे. EDLI योजनेचा दावा कर्मचाऱ्याचा आजार, अपघात किंवा नैसर्गिक मृत्यू झाल्यास सदस्य कर्मचाऱ्याच्या नॉमिनी व्यक्तीच्या वतीने केला जाऊ शकतो. यामध्ये एकरकमी पेमेंट आहे. आता मृत्यूपूर्वी 12 महिन्यांच्या आत एकापेक्षा जास्त कंपनीत काम करणाऱ्या कर्मचाऱ्यांच्या कुटुंबालाही ईडीएलआयचा लाभ मिळणार आहे.

हे पण वाचा :- Top Best Selling Bikes: ‘ह्या’ आहेत भारतातील सर्वाधिक विकल्या जाणार्‍या 6 बाइक्स ; पहा संपूर्ण लिस्ट