Health Marathi News : अनेक स्त्रियांच्या (Women) किंवा पुरुषांच्या (Men) चेहऱ्यावर काळे डाग (Face Black Spot)  असतात. हे डाग घालवण्यासाठी अनेकजण प्रयत्न करत असतात. मात्र डाग जात नाहीत. तसेच डॉक्टरांचे सल्ले देखील घेतले जातात.

जेव्हा जेव्हा त्वचेच्या काळजीचा प्रश्न येतो तेव्हा महिलांव्यतिरिक्त पुरुष देखील याकडे गांभीर्याने घेतात, परंतु बहुतेक पुरुष त्वचेच्या काळजीकडे दुर्लक्ष करतात. कारण त्यांना नियमितपणे त्वचेची (Skin) काळजी घेणे खूप कठीण जाते.

त्वचा तज्ज्ञांचे म्हणणे आहे की, सर्वसाधारणपणे महिलांना त्वचेची जास्त काळजी असते, परंतु पुरुषांच्या त्वचेची काळजी देखील त्यांनी घेतली पाहिजे. विशेषतः जर तुमच्या चेहऱ्यावर आधीच डाग असतील.

खरं तर, उन्हाळ्याच्या मोसमात, जेव्हा त्वचा दीर्घकाळ सूर्याच्या संपर्कात राहते, तेव्हा हायपरपिग्मेंटेशनची समस्या अधिक वाढू लागते. चेहऱ्यावर डाग आल्यासारखे दिसते.

चेहऱ्यावरील डाग दूर करण्यासाठी अनेक नैसर्गिक उपाय आहेत, परंतु त्याआधी काही गोष्टींची काळजी घेणे तुमच्यासाठी महत्त्वाचे आहे.

चेहऱ्यावरील डाग दूर करण्याच्या टिप्स

1. चेहऱ्याला सनस्क्रीन लावा

उन्हाळ्यात तीव्र सूर्यप्रकाशामुळे शरीरातील मेलेनिनच्या उत्पादनावर परिणाम होतो. त्यामुळे त्वचेवर काळे डाग पडू लागतात.

ही समस्या टाळण्यासाठी तुम्ही चेहऱ्यावर सनस्क्रीन लावू शकता. आणखी एक गोष्ट, जास्त वेळ उन्हात न राहण्याचा प्रयत्न करा, त्यामुळे त्रास वाढू शकतो.

2. एलोवेरा चेहऱ्यावर लावण्याचे फायदे

कोरफडीचा गर चेहऱ्यावर लावल्याने डाग दूर होतात. तुम्ही ते फेस पॅक किंवा स्क्रब दोन्हीसाठी वापरू शकता. स्क्रबसाठी तुम्ही कॉफी पावडर मिक्स करून लावू शकता. याशिवाय लिंबाच्या सालीची पावडर आणि मध मिसळून फेस पॅक तयार करता येतो.

3. चेहऱ्यावर दही लावल्याने फायदा होतो

दही ही अशीच एक गोष्ट आहे, ज्याच्या मदतीने त्वचेवरील काळे डाग हलके होण्यास मदत होते. तुम्ही दह्यापासून फेस पॅकही तयार करू शकता. काही समजत नसेल तर त्यात मध मिसळून चेहऱ्यावर लावा. ही पेस्ट सुकायला लागल्यावर कोमट पाण्याने धुवा.

तज्ञांची मदत घेणे आवश्यक आहे

जर तुमच्या चेहऱ्यावर काळे डाग जास्त असतील आणि घरगुती उपाय देखील काम करत नसतील तर तुम्ही त्वचेच्या तज्ञाशी संपर्क साधणे चांगले आहे. त्यांचा सल्ला घेऊन पुढे जा.