Health News : दिवाळी झाली अन हिवाळ्याला सुरवात झाली. आता हिवाळा ऋतू सुरू झाला आहे. या ऋतूत हवामानातही अनेक बदल होत असतात. त्यामुळे हिवाळ्यात लोकांच्या खानपानातही अनेक बदल होतात.
हिवाळ्यात आपली इम्युनिटी वाढवण्यासाठी लोक विविध प्रयत्न करतात. वेगव वेगळ्या प्रकारचा आहार घेतात. दरम्यान हिवाळ्यात एक पदार्थ मुख्यत्वे करून आहारात समाविष्ट होतो तो म्हणजे बाजरी.
बाजरीच्या असंख्य फायद्यांमुळे आणि उत्कृष्ट चवीमुळे हिवाळ्यात ते एक उत्कृष्ट धान्य सिद्ध होते. पण जर तुम्हाला बाजरी थंडीत खाण्याने शरीराला होणारे चमत्कारिक फायदे माहिती नसतील तर
आज आम्ही तुम्हाला हिवाळ्यात बाजरी खाण्याचे काही फायदे सांगणार आहोत. ते ऐकून तुम्हीही थक्क व्हाल.
बद्धकोष्ठतेचा त्रास कमी :
हिवाळ्यात अनेकांना बद्धकोष्ठतेचा त्रास होतो. ही समस्या कमी करण्यासाठी बाजरी उपयुक्त आहे. कारण बाजरीमध्ये भरपूर प्रमाणात फायबर असल्याने तुमचे पोट साफ होण्यास मदत होते.
पचनक्रिया सुधारते
बाजरी खाल्ल्याने पचनक्रिया सुधारते. बाजरी नैसर्गिकरित्या ग्लूटेन-फ्री असल्याने आतड्यांसंबंधी समस्या, ग्लूटेन सेंसिटिविटी किंवा सेलिआक डिजीज असलेल्या लोकांसाठी ते खूपच फायदेही ठरत असते.
हाडे मजबूत होतात
बाजरीत फॉस्फरस मोठ्या प्रमाणात असल्याने तुमच्या हाडांचे आरोग्य चांगले राहते. तसेच त्यात कॅल्शियम देखील असल्याने तुमची हाडे मजबूत राहतात.
* हृदय रोग होत नाहीत
बाजरी ही फायबर, मॅग्नेशियम, लोह आदींनी समृद्ध असल्याने तुमच्या हृदयाचे आरोग्य उत्तम राहते. हिवाळ्यात नियमित बाजरी खाल्ली तर तुमचे हृदयाचे आरोग्य ठाकठीक राहते.
* इम्युनिटी
बाजरीमध्ये विविध प्रकारचे जीवनसत्त्वे आणि खनिजे असल्याने तुमची इम्युनिटी एकदम पॉवरफुल राहते. यामुळे हिवाळ्यात तुम्ही अनेक आजरांपासून स्वतःचे रक्षण करू शकता.
* बॅड काेलेस्टरॉल
बाजरी नियमित खाल्ल्याने शरीरातील बॅड काेलेस्टरॉलचे प्रमाण नियंत्रित राहते. रक्तदाब देखील नियंत्रित राहण्यास मदत होत असल्याने तुमचे आरोग्य देखील चांगले राहते.