numerology
Numerology:- अंकशास्त्र हे अतिशय महत्त्वाचे असे शास्त्र असून यामध्ये व्यक्तीचा जन्म दिनांक व त्यावरून त्याचा जो काही मुलांक येतो त्यानुसार भविष्य वर्तवलेले असते. आपल्याला माहित आहे की जन्मतारखेची बेरीज करून जे काही उत्तर येते ते त्या जन्म तारखेला जन्मलेले व्यक्तीचा मुलांक असतो.
मुलांकानुसार बघितले तर अंकशास्त्रामध्ये एक ते नऊ अशा प्रकारचे मुलांक आहेत व या सगळ्या प्रकारच्या मुलांकाची अंकशास्त्रामध्ये आपल्याला महत्त्वाची माहिती मिळते. अगदी याच प्रमाणे ज्या व्यक्तींचा जन्म कोणत्याही महिन्याच्या 6,15 आणि 24 तारखेला झालेला असतो अशा व्यक्तींचा मुलांक सहा असतो.
अंकशास्त्रानुसार बघितले तर सहा हा मूलांक शुक्र ग्रहाशी संबंधित आहे.या दृष्टिकोनातून येणाऱ्या 2025 या नवीन वर्षात सहा मुलाकांच्या व्यक्तींना पैशाच्या बाबतीत फायदा होऊ शकतो की नुकसान तसेच इतर बाबतीत येणारे वर्ष कसे राहील? याबाबतची माहिती या लेखात बघू.
6 मुलांकासाठी 2025 हे वर्ष कसे राहील?
1- अभ्यास आणि करिअरच्या दृष्टिकोनातून- ज्या विद्यार्थ्यांचा मुलांक सहा आहे अशा विद्यार्थ्यांसाठी 2025 हे वर्ष खूप चांगले ठरणार आहे. कला तसेच डिझाईन आणि फॅशन किंवा मीडिया क्षेत्रात असणाऱ्यांसाठी हे वर्ष विशेष फायद्याचे ठरते. जर तुम्ही कुठलाही स्पर्धा परीक्षांची तयारी करत असाल तर या येणाऱ्या वर्षांमध्ये चांगले यश मिळण्याची शक्यता आहे.
त्यासोबतच करिअरच्या क्षेत्रामध्ये देखील चांगले यश मिळेल व नोकरदार व्यक्तींना त्यांच्या कष्टाचे फळ मिळेल व नोकरीमध्ये उच्च पद मिळू शकते किंवा प्रमोशन मिळण्याची शक्यता आहे. तसेच जे लोक व्यवसायिक असतील ते नवीन प्रकल्पांमध्ये गुंतवणूक करू शकतात व त्यांना ते दीर्घकाळासाठी फायद्याचे ठरेल.
2- प्रेम आणि विवाहाच्या बाबतीत- सहा मुलांक असलेल्या व्यक्तीचे वैवाहिक जीवन आणि प्रेम प्रकरणांच्या दृष्टिकोनातून 2025 हे वर्ष चांगले असणार आहे. प्रेमाच्या बाबतीत हे वर्ष रोमांस आणि आनंदाने भरलेले राहील व जे अविवाहित आहेत त्यांना यावर्षी विवाहाचे प्रस्ताव येण्याची शक्यता आहे.
तसेच रिलेशनशिप मध्ये असाल तर हे नाते अधिक घट्ट होण्यास मदत होईल. विवाहित व्यक्तींसाठी हा कालावधी खूप अनुकूल असणार आहे व नात्यांमध्ये अनेक चांगले अनुभव येतील. परंतु कौटुंबिक पातळीवर मात्र समतोल राखणे गरजेचे आहे.
3- प्रॉपर्टी आणि गुंतवणुकीच्या दृष्टिकोनातून- सहा मुलांक असलेल्यांसाठी 2025 वर्षे संपत्तीच्या दृष्टिकोनातून अतिशय फायद्याचे असणार आहे. या येणाऱ्या वर्षात एखादे नवीन घर किंवा जमीन खरेदी करण्याचा प्लॅन जर तुमचा असेल तर तो यशस्वी होऊ शकतो. एखाद्या जुन्या मालमत्तेच्या बाबतीत वाद असेल तर तो देखील भेटू शकतो.
तसेच या व्यक्तीने जर एखाद्या ठिकाणी पैसे गुंतवले असतील तर यातून चांगला पैसा मिळेल व त्या दृष्टिकोनातून हे वर्ष फायदेशीर ठरेल.
परंतु कोणताही मोठा निर्णय घ्यायचा असेल तर त्या क्षेत्रातील तज्ञांचा सल्ला अवश्य घ्यावा.येणाऱ्या वर्षात जर तुम्ही कुठलेही काम शहाणपणाने केले व कठोर राहिलात तर यश तुमच्यासोबत असणार आहे.