IMD Alert : सध्या अनेक देशाच्या भागांमध्ये उष्णतेचे वातावरण (Hot weather) असून चक्रीवादळ (Hurricane) कहर करण्याच्या तयारीत आहे. त्यामुळे हवामान खात्याने (IMD) देखील या संदर्भात अलर्ट (Alert) जारी केला आहे.

हवामान विभागाने दिलेल्या माहितीनुसार, दक्षिण अंदमान समुद्र (South Andaman Sea) आणि त्याच्या लगतच्या भागात चक्रीवादळ निर्माण झाले आहे. त्याचे कमी दाबाच्या क्षेत्रात रूपांतर होण्याची शक्यता आहे.

आसनी चक्रीवादळाचा (Seat hurricane) प्रभाव पश्चिम बंगाल, सिक्कीम, आसाम, मेघालय, नागालँड, मिझोराम, ईशान्येकडील राज्यांमध्ये दिसून येईल. आसनी चक्रीवादळाचा प्रभाव झारखंड आणि बिहारमध्येही दिसून येईल.

आयएमडीचे म्हणणे आहे की बंगालच्या उपसागरात तयार झालेले चक्रीवादळ ओडिशा किंवा आंध्रमध्ये धडकणार नाही, परंतु ओडिशाच्या किनारपट्टीला समांतर सरकणार आहे. यामुळे ९ आणि १० मे रोजी ओडिशाच्या किनारपट्टीवरील समुद्राची स्थिती खडतर राहील. समुद्रात वाऱ्याचा वेग ८० ते ९० किमी प्रतितास इतका वाढेल.

याबाबत ओडिशा, बंगाल, आसाम ईशान्य भागात हाय अलर्ट जारी करण्यात आला आहे. कोणत्याही विचित्र परिस्थितीला तोंड देण्यासाठी NDRF च्या 17 टीम आणि ODRAF च्या 20 टीम बाधित भागात तैनात करण्यात आल्या आहेत.

हवामान खात्याच्या ताज्या अंदाजानुसार, ११ मे पर्यंत जम्मू-काश्मीर, पंजाब, हरियाणा, राजस्थान, मध्य प्रदेश, महाराष्ट्र, पंजाब आणि जम्मू विभागात उष्णतेची लाट येण्याची शक्यता आहे.

त्याचवेळी १० मेपासून दिल्लीत उष्णतेची लाट येऊ शकते. याशिवाय यूपी, बिहार आणि झारखंडसारख्या राज्यांमध्ये उष्णतेचा प्रकोप असेल, मात्र उष्णतेच्या लाटेपासून दिलासा मिळेल.