Photo Credit - dreamstime
अहमदनगर Live24 टीम,23 सप्टेंबर 2020 :- केंद्र सरकारने ऑगस्ट महिन्यात पंतप्रधान किसान योजनेंतर्गत 2000 रुपयांचा हप्ता शेतकऱ्यांना दिला आहे. दरम्यान, केंद्रीय मंत्रिमंडळाने अलीकडेच एक मोठा निर्णय घेत कृषी क्षेत्राला मोठा आर्थिक दिलासा देण्याची घोषणा केली होती. शेतकर्‍यांच्या हितासाठी आणखी एक योजना केंद्राने आणली असून या योजनेचे नाव आहे पीएम किसान एफपीओ योजना.
या योजनेंतर्गत केंद्र सरकार शेतकरी उत्पादक संघटनांना (एफपीओ) 15 लाख रुपयांची मदत देईल, ज्याचा फायदा शेतकऱ्यांना होईल. सरकारच्या या योजनेमागे कृषी क्षेत्राला चालना देण्याचे उद्दीष्ट आहे. या योजनेंतर्गत सरकारने 4,496 कोटींची तरतूद केली आहे. देशातील शेतकर्‍यांना आर्थिक दिलासा देण्यासाठी केंद्र सरकारने पंतप्रधान किसान एफपीओ योजना सुरू केली आहे
. या योजनेंतर्गत एफपीओ-शेतकरी उत्पादक संघटनेला 15 लाख रुपयांची आर्थिक मदत दिली जाईल. या योजनेंतर्गत देशातील शेतकऱ्यांना आणखी बरेच फायदे देण्यात येतील. या योजनेत देशातील शेतक्यांना शेतीत व्यवसायासारखे फायदे मिळतील. याचा फायदा घेण्यासाठी किमान 11 शेतक्यांना स्वत: ची कृषी कंपनी किंवा संस्था स्थापन करावी लागेल.
एफपीओ म्हणजे काय ?:- एफपीओ म्हणजे उत्पादकांच्या हितासाठी काम करणार्‍या परंतु कंपनी ऍक्ट अंतर्गत नोंदणीकृत शेतकऱ्यांचा समूह. किमान 11 शेतकर्‍यांनी एकत्रितपणे स्वत: ची कृषी कंपनी स्थापन करणे बंधनकारक असेल. या संस्थांना केंद्र सरकार 15 लाख रुपयांची आर्थिक मदत देईल. या योजनेत देशातील शेतक्यांना शेतीत व्यवसायासारखे फायदे मिळतील..
जाणून घ्या या योजनेची सविस्तर माहिती: – ही केंद्र सरकारची योजना आहे. देशातील कोणत्याही राज्यातील शेतकरी या योजनेचा लाभ घेऊ शकतात. या योजनेचा लाभ घेण्यासाठी सुमारे 11 शेतकर्‍यांना स्वत: ची संस्था स्थापन करावी लागेल. जर 11 शेतकर्‍यांची ही संघटना मैदानी भागात काम करत असेल तर त्यांना किमान 300 शेतकर्‍यांना त्यांच्याशी जोडावे लागेल,
तर डोंगराळ क्षेत्रात कार्य करणाऱ्या संस्थेला 100 शेतकरी जोडावे लागतील. या संघटनेशी संबंधित शेतकऱ्यांना खत, बियाणे, औषधे आणि शेतीची उपकरणे खरेदी करणे खूप सोपे होईल. 2024 पर्यंत केंद्र सरकार या योजनेवर 6,865 कोटी रुपये खर्च करेल. या योजनेंतर्गत केंद्र सरकार प्रत्येक एफपीओ म्हणजेच शेतकरी संघटनेला 15 लाख रुपयांची आर्थिक मदत देईल. ही रक्कम 3 वर्षांच्या आत प्रदान केली जाईल. त्याचा सर्वात मोठा फायदा म्हणजे शेतकरी दलालांपासून मुक्त होतील.
योजनेचा लाभ घेण्यासाठी ‘असा’ करा अप्लाय: – प्रत्येक योजनेप्रमाणे या योजनेचाही लाभ घेण्यासाठी अर्ज करणे आवश्यक असेल. तथापि, ऑनलाइन किंवा ऑफलाइन अर्ज करण्यासाठी कोणतीही अधिकृत माहिती देण्यात आलेली नाही. त्याची माहिती उपलब्ध होताच आम्ही त्याबद्दल तुम्हाला माहिती देऊ. देशातील कोणताही शेतकरी या योजनेचा लाभ घेऊ शकतो.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved