EPFO Higher Pension Update : केंद्र सरकारने गेल्या महिन्यात कर्मचाऱ्यांच्या DA मध्ये मोठी वाढ केली आहे. त्यामुळे लाखो कर्मचाऱ्यांना महागाई भत्ता वाढीचा फायदा होणार आहे. सध्या कर्मचाऱ्यांचा DA ४२ टक्के झाला आहे. त्यामुळे पगारात देखील वाढ होणार आहे.
मात्र आता कर्मचारी भविष्य निर्वाह निधी संघटनेच्या कर्मचारी-खातेधारकांसाठी महत्त्वाची बातमी आहे. अधिक पेन्शन मिळवण्यासाठी कर्मचारी आणि पेन्शनधारकांना अर्ज करावा लागणार आहे. हा अर्ज करण्याची शेवटची मुदत ३ मे २०२३ पर्यंत देण्यात आली आहे.
३ मे पूर्वी अर्ज करा
EPFO कडून कर्मचारी आणि पेन्शनधारकांना अधिक पेन्शन मिळवण्यासाठी अर्ज करण्याची मुदत वाढवण्यात आली आहे. ही मुदत ३ मे २०२३ पर्यंत वाढवण्यात आली आहे. EPFO कडून या आगोदर अधिक पेन्शनसाठी अर्ज करण्याची मुदत ३ मार्च देण्यात आली होती.
कर्मचारी आणि पेन्शनधारकांना अधिक पेन्शन मिळवण्यासाठी अर्ज करायचा असेल तर कर्मचाऱ्यांना EPFO च्या अधिकृत पोर्टलवर जावे लागेल. याअंतर्गत सप्टेंबर 2014 पूर्वी सेवानिवृत्त झालेल्या कर्मचाऱ्यांना पेन्शनचा लाभ मिळणार आहे.
सर्वोच्च न्यायालयाने 4 नोव्हेंबर 2022 रोजी आपल्या आदेशात म्हटले होते की, सर्व पात्र सदस्यांना हा पर्याय वापरण्यासाठी चार महिन्यांचा कालावधी आहे आणि त्याची अंतिम तारीख 3 मार्च 2023 होती, परंतु EPFO ने अंतिम तारखेत सुधारणा केली आहे. 3 मे 2023 पर्यंत वाढवली आहे.
अधिक पेन्शन पर्यायासाठी ईपीएफओने जारी केलेल्या मार्गदर्शक तत्त्वांनुसार, 31 ऑगस्ट 2014 पर्यंत सेवानिवृत्त झालेल्या पेन्शनधारकांना हा लाभ दिला जाणार नाही, तर 1 सप्टेंबर 2014 रोजी किंवा त्यानंतर ईपीएसमध्ये सामील झालेल्यांना अधिक मिळण्याचा पर्याय दिला जाईल.
अशा प्रकारे तुम्हाला फायदा होईल
EPFO च्या नवीन मार्गदर्शक सूचनांनुसार जे कर्मचारी आणि पेन्शनधारक अधिक पेन्शन मिळवण्यासाठी पात्र आहेत ते ऑनलाईन पद्धतीने अर्ज करू शकतात.
सध्याच्या नियमांनुसार, पेन्शनची कमाल मर्यादा केवळ 15,000 रुपये निश्चित करण्यात आली होती, म्हणजेच एखाद्या व्यक्तीचा पगार जरी 50,000 रुपये असला तरी त्याला केवळ 10,000 रुपयांपर्यंतच गुंतवणूक करण्याची संधी मिळायची.
पैसे जमा करायची मर्यादा वाढवण्यात आली आहे. आता EPFO सदस्य 1 सप्टेंबर 2014 पर्यंत त्यांच्या मूळ वेतनाच्या 8.33% जमा करून पेन्शनचा लाभ घेऊ शकतात.
कोण पात्र असेल
अधिक पेन्शन मिळवण्यासाठी EPFO कडून काही नियम आले आहेत. 1 सप्टेंबर 2014 पूर्वी सेवानिवृत्त झाले आहेत ते पेन्शनसाठी अर्ज करू शकतात.
जे कर्मचारी 31 ऑगस्ट 2014 पर्यंत EPS चे सदस्य होते आणि ज्यांनी EPS अंतर्गत उच्च पेन्शनचा पर्याय निवडला नाही त्यांना 3 मार्चपूर्वी अर्ज करण्याची वेळ होती मात्र आता ही मुदत वाढवण्यात आली आहे.
ज्या कर्मचाऱ्यांनी त्यांच्या नोकरीच्या वेळी कर्मचारी भविष्य निर्वाह निधी (EPF) योजनेंतर्गत जास्त पगाराचे योगदान दिले आहे आणि सेवानिवृत्तीपूर्वी उच्च निवृत्ती वेतनाचा पर्याय निवडला आहे त्यांना हा लाभ दिला जाईल.
या अंतर्गत केवळ तेच कर्मचारी ज्यांनी ईपीएसमध्ये 5000 रुपये किंवा 6500 रुपयांपेक्षा जास्त वेतन मर्यादेवर पेन्शन मिळविण्यासाठी योगदान दिले आहे त्यांनाच पात्र मानले जाईल.
हे अशा कर्मचाऱ्यांसाठी देखील आहे ज्यांनी EPS 95 चे सदस्य असताना उच्च पेन्शनचा पर्याय निवडला होता, परंतु त्यांचा एक अर्ज EPFO ने नाकारला होता.
अर्ज करण्याची प्रक्रिया जाणून घ्या
अधिक पेन्शन मिळविण्यासाठी, EPS सदस्याला त्याच्या जवळच्या EPFO कार्यालयात जावे लागेल.
तेथे त्यांना अर्जासोबत काही कागदपत्रेही सादर करावी लागणार आहेत.
आयुक्तांनी दिलेल्या पद्धतीनुसार व स्वरूपानुसार अर्ज द्यावा लागणार आहे.
संयुक्त पर्यायामध्ये अस्वीकरण आणि घोषणा देखील असेल. अर्ज सादर केल्यानंतर, परिपत्रकानुसार त्यावर कार्यवाही केली जाईल.