IMD Rain Alert: देशातील काही राज्यात आज मुसळधार पाऊस तर काही राज्यात कडक उन्हाळा पाहायला मिळत आहे. तुमच्या माहितीसाठी जाणून घ्या महाराष्ट्रातील काही शहरात आणि देशाची राजधानी दिल्लीत पारा 40 च्या पुढे गेला आहे.
तर दुसरीकडे आता भारतीय हवामान विभागाने एक दिलासादायक बातमी शेअर केली आहे. हवामान विभागाने दिलेल्या माहितीनुसार 15 एप्रिलपासून पश्चिम हिमालयीन प्रदेशावर ताज्या वेस्टर्न डिस्टर्बन्सचा परिणाम होण्याची शक्यता आहे. त्यामुळे अनेक भागात पावसाची शक्यता आहे.
हवामान खात्याच्या अंदाजानुसार पुढील 5 दिवसांत कोकण आणि गोव्याव्यतिरिक्त मध्य महाराष्ट्र आणि मराठवाड्यात विविध ठिकाणी पावसाची शक्यता आहे. देशाची आर्थिक राजधानी मुंबईत आज सकाळी पाऊस झाला. त्यामुळे हवामानात सुधारणा झाली आहे.
याशिवाय, IMD ने म्हटले आहे की, 15 आणि 16 एप्रिल रोजी जम्मू-काश्मीर, लडाख, गिलगिट-बाल्टिस्तान, मुझफ्फराबाद, हिमाचल प्रदेश आणि उत्तराखंडमध्ये काही ठिकाणी पाऊस पडण्याची शक्यता आहे. त्याच वेळी, 16 एप्रिल रोजी पंजाब, उत्तर हरियाणा आणि पश्चिम राजस्थानमध्ये हलक्या पावसाची शक्यता आहे.
हवामान खात्याचे म्हणणे आहे की 13 एप्रिल रोजी हरियाणा आणि उत्तर प्रदेशमध्ये जोरदार वारे वाहण्याची शक्यता आहे. या दरम्यान वाऱ्याचा वेग 25-35 किमी प्रतितास असू शकतो. त्याच वेळी, 12 ते 16 एप्रिल दरम्यान, पश्चिम बंगालच्या गंगा किनारी भागात आणि 13 ते 15 एप्रिल दरम्यान ओडिशामध्ये उष्ण वारे वाहू शकतात. त्यामुळे तापमानात वाढ होईल.
हे पण वाचा :- भन्नाट ऑफर ! 39 हजारांचा Oppo Reno 8 5G आता खरेदी करा फक्त 2 हजारात ; असा घ्या फायदा