PAN-Aadhaar Link: आज देशात सर्वात महत्वाचे दस्तऐवज म्हणजे पॅन कार्ड आणि आधार कार्ड होय. तुमच्या माहितीसाठी जाणून घ्या भारतीय आयकर विभाग पॅन कार्ड जारी करतो. हा पॅन कार्ड म्हणजे परमनंट अकाउंट नंबर कार्ड.
आयकर विभाग पॅन कार्डच्या मदतीने व्यक्ती, कंपन्या आणि इतर संस्थांना एक यूनिक दहा अंकी अल्फान्यूमेरिक ओळख क्रमांक जारी करतो. हे जाणून घ्या कि आज विविध आर्थिक व्यवहारांसाठी पॅन कार्ड अनिवार्य करण्यात आला आहे. तुम्ही या पॅन कार्डच्या मदतीने शेअर बाजारात गुंतवणूक करू शकतात तसेच बँकेमध्ये नवीन खाते उघडू शकतात आणि तुमचे आयकर रिटर्न देखील भरू शकतात.
पॅन कार्डमध्ये पॅन क्रमांकासह व्यक्तीचे नाव, जन्मतारीख आणि फोटो यासारख्या तपशीलांचा समावेश असतो. पॅन कार्ड सुरक्षित ठेवणे अत्यंत महत्त्वाचे आहे, कारण ते एक संवेदनशील दस्तऐवज मानले जाते आणि ते चुकीच्या हातात पडल्यास ओळख चोरी किंवा आर्थिक फसवणुकीसाठी त्याचा गैरवापर होऊ शकतो.
आधार क्रमांकाशी पॅन लिंक करणे
प्राप्तिकर कायदा, 1961 च्या कलम 139AA नुसार, 1 जुलै 2017 पासून, आधार मिळविण्यासाठी पात्र असलेल्या प्रत्येक व्यक्तीने पॅनसाठी अर्ज करताना किंवा उत्पन्नाचा तपशील सादर करताना त्याचा आधार क्रमांक लिंक करणे आवश्यक आहे. जर एखाद्या व्यक्तीकडे आधार क्रमांक नसेल पण त्याने आधार कार्डसाठी अर्ज केला असेल, तर ती व्यक्ती ITR मध्ये आधार अर्जाच्या नावनोंदणी आयडीचा उल्लेख करू शकते.
पॅन-आधार लिंकची शेवटची तारीख
PAN शी आधार लिंक करण्याची शेवटची तारीख 30 जून 2023 आहे. या तारखेनंतर तुम्ही आधार कार्ड पॅनशी लिंक केले नाहीतर तुमचे पॅन कार्ड रद्द होऊ शकते.
आधारशी पॅन लिंक कसे करावे?
आयकर विभागाच्या पोर्टलद्वारे याप्रमाणे लिंक करा:
आयटी विभागाच्या ई-फायलिंग पोर्टल, Incometaxindiaefiling.gov.in ला भेट द्या.
वेबपेजच्या ‘Quick Links’ सेक्शन अंतर्गत ‘Link Aadhaar’ पर्यायावर क्लिक करा.
हे तुम्हाला एका नवीन पेजवर घेऊन जाईल जेथे तुम्हाला तुमचे नाव जसे की पॅन क्रमांक, आधार क्रमांक आणि इतर आवश्यक तपशील प्रविष्ट करणे आवश्यक आहे.
SMS द्वारे लिंक करा
एसएमएस पाठवण्यासाठी मोबाइल डिव्हाइसवर 567678 किंवा 56161 डायल करा. तुम्हाला UIDPAN (10 अंकी पॅन कार्ड क्रमांक), 12 अंकी आधार कार्ड क्रमांक पाठवावा लागेल. त्यानंतर, तुम्हाला पॅन-आधार लिंक स्थितीबद्दल माहिती देणारा एसएमएस येईल. दोन्ही कागदपत्रांवर करदात्याची जन्मतारीख जुळली तरच आधार आणि पॅन लिंक केले जातील.
हे पण वाचा :- Honda Cars : मस्तच! झाली मोठी घोषणा, भारतात लाँच होणार ‘ह्या’ 5 SUV कार