file photo
अहमदनगर Live24 टीम, 13 नोव्हेंबर 2020 :- जगभरातील बहुतांश देशांमध्ये कोरोनाचा कहर कायम असून सध्याच्या घडीला कोरोनाबाधितांच्या आकडेवारीत विक्रमी स्तरावर वाढ होताना दिसत आहे.
मागील 24 तासांत जगभरात 6 लाख 38 हजार नव्या कोरोनाबाधितांची नोंद झाली आहे. वर्ल्डोमीटर वेबसाइटनुसार, जगभरात आतापर्यंत 5 कोटी, 30 लाख 69 हजार कोरोनाबाधितांची नोंद झाली आहे. तर 12 लाख 98 हजार 493 लोकांचा आतापर्यंत मृत्यू झाला आहे.
दुसरीकडे या महामारीतून 3 कोटी 71 लाख लोक बरे झाले आहेत. सध्या 1 कोटी 45 लाख रूग्णांवर उपचार सुरू असून त्यातील 95 हजार लोकांची प्रकृती गंभीर आहे. जगभरात गेल्या 24 तासांत 6 लाख 38 हजार नव्या कोरोनाबाधितांची नोंद झाली आहे.
तर 9 हजार 593 लोकांचा यात मृत्यू झाला आहे. जगातील सर्वात सामर्थ्यवान देश अमेरिकेत ही परिस्थिती अत्यंत वाईट होत चाचली आहे. अमेरिका कोरोनाचा सर्वाधिक प्रभाव झालेल्या देशांच्या यादीत अव्वल आहे. अमेरिकेत दररोज दीड ते दोन लाख नव्या कोरोनाबाधितांची नोंद होत आहे.
गेल्या 24 तासांत अमेरिकेत 1 लाख 59 हजार नव्या कोरोनाबाधितांची नोंद झाली आहे. यानंतर दुसऱ्या स्थानी भारत असून भारतात 87 लाखांहून अधिक लोकांना कोरोनाची लागण झाली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved