Top 10 Stocks Today : भारतीय शेअर बाजारात सध्या अस्थिरता पाहायला मिळत असली, तरी काही स्टॉक्स इंट्राडेमध्ये गुंतवणूकदार आणि ट्रेडर्सना मोठा नफा मिळवून देत आहेत. आजच्या बाजारात असे 10 स्टॉक्स आहेत, ज्यांच्यावर बाजाराच लक्ष लागून आहे. या स्टॉक्सना मजबूत आर्थिक निकाल, नव्या ऑर्डर, किंवा अन्य सकारात्मक घडामोडींमुळे गुंतवणूकदारांच्या पसंती मिळत आहे.
कोल इंडिया
कोल इंडियाने तिसऱ्या तिमाहीत जरी महसुलात किरकोळ घट अनुभवली असली, तरी त्याचे निकाल अपेक्षित पातळीवर आहेत. तिसऱ्या तिमाहीतील नफा 17.5% ने घसरून 10,291.7 कोटी रुपयांवरून 8,491.2 कोटी रुपये झाला आहे. EBITDA मार्जिन थोड्या घटीसह 35.9% वरून 34.4% वर आले आहे. मात्र, कंपनीने ₹5.60 प्रति शेअर अंतरिम लाभांश जाहीर केला आहे, ज्यामुळे गुंतवणूकदारांचे आकर्षण टिकले आहे.
इमामी
इमामीच्या तिसऱ्या तिमाहीत चांगली कामगिरी दिसून आली आहे. वार्षिक आधारावर नफा ₹260.7 कोटींवरून ₹279 कोटी झाला आहे. याच दरम्यान, उत्पन्नातही वाढ होऊन ते ₹996.3 कोटींवरून ₹1,049.5 कोटींवर पोहोचले आहे. कंपनीने 4 रुपये प्रति शेअर अंतरिम लाभांश जाहीर केला आहे. तज्ञांच्या मते, हा स्टॉक सकारात्मकतेत राहील.
टाटा पॉवर
टाटा पॉवरच्या सोलर विभागाला ₹4,550 कोटींची मोठी ऑर्डर मिळाली आहे. कंपनी महाराष्ट्र स्टेट पॉवर जनरेशन कंपनीला 300 MWp ALMM-कठोर सौर मॉड्यूल पुरवणार आहे. ही ऑर्डर स्टॉकसाठी मोठ्या वाढीची संधी ठरू शकते.
केन्स टेक्नॉलॉजी इंडिया
केन्स टेक्नॉलॉजीने तिसऱ्या तिमाहीत नफा 45.1 कोटींवरून 66.4 कोटी रुपयांपर्यंत वाढवला आहे. उत्पन्नातही 509.2 कोटींवरून 661.1 कोटी रुपयांपर्यंत वाढ झाली आहे. EBITDA मार्जिन 13.7% वरून 14.2% पर्यंत सुधारले आहे, त्यामुळे स्टॉकसाठी सकारात्मकता दिसून येत आहे.
अरविंद स्मार्टस्पेसेस
कंपनी अहमदाबादमध्ये 440 एकरचा मेगा इंडस्ट्रियल पार्क उभारणार असून, त्यातून ₹1,350 कोटींचे उत्पन्न अपेक्षित आहे. ही मोठी गुंतवणूक कंपनीच्या स्टॉकसाठी लाभदायक ठरू शकते.
ITC
ITC हॉटेल्स उद्या स्वतंत्रपणे सूचीबद्ध होणार आहेत. त्यामुळे ITC स्टॉकमध्ये मोठ्या वाढीची शक्यता आहे. हा स्टॉक गुंतवणूकदारांसाठी आज खरेदीसाठी आकर्षक ठरू शकतो.
ॲक्सिस बँक, ICICI बँक, श्रीराम फायनान्स, चोलामंडलम
RBI ने ₹60,000 कोटींच्या रोख खरेदी योजना जाहीर केल्या आहेत, ज्यामुळे या बँकिंग आणि फायनान्स स्टॉक्ससाठी सकारात्मकता आहे. या रोख खरेदीचे तीन टप्पे 30 जानेवारी, 13 फेब्रुवारी, आणि 20 फेब्रुवारीला होणार आहेत. त्यामुळे या स्टॉक्समध्ये चांगल्या ट्रेडिंग संधी उपलब्ध आहेत.
तज्ञांचे सल्ला घेणे आवश्यक…
आजचे टॉप स्टॉक्स म्हणजे कोल इंडिया, इमामी, टाटा पॉवर, केन्स टेक्नॉलॉजी, अरविंद स्मार्टस्पेसेस, ITC, आणि बँकिंग क्षेत्रातील मोठ्या कंपन्यांचे स्टॉक्स. यामध्ये गुंतवणूकदार योग्य विश्लेषण करून इंट्राडेमध्ये चांगला नफा मिळवू शकतात. मात्र, गुंतवणूक करण्यापूर्वी बाजारातील घडामोडी आणि तज्ञांचे सल्ला घेणे आवश्यक आहे.
