Traffic rules 2025 : वाहतूक नियम हे केवळ कायद्याच्या चौकटीत बसवलेले नियम नाहीत, तर ते तुमच्या आणि इतर प्रवाशांच्या सुरक्षिततेसाठी महत्त्वाचे आहेत. मात्र, बऱ्याचदा नागरिक वाहतूक नियम पाळण्याकडे दुर्लक्ष करतात. यामुळे अपघात, वाहतूक कोंडी, आणि इतर समस्यांना सामोरे जावे लागते. नियम मोडल्यास केवळ दंडाचा भुर्दंड पडतो असे नाही, तर ते आयुष्यावर गंभीर परिणाम करू शकते.
आजकाल रस्त्यावर वाहन चालवताना अनेक जण झेब्रा क्रॉसिंगचा गैरवापर करतात, वाहतूक अधिकाऱ्यांचे आदेश पाळत नाहीत किंवा दारू पिऊन गाडी चालवतात. यामुळे केवळ स्वतःचीच नाही, तर इतरांचीही जीवितहानी होऊ शकते. सरकारने या परिस्थितीवर नियंत्रण मिळवण्यासाठी नवीन मोटार वाहन कायदा 2019 लागू केला असून, दंडाची रक्कम मोठ्या प्रमाणावर वाढवली आहे.
तुम्ही वाहन चालक असाल, तर वाहतूक नियमांचे काटेकोर पालन करणे तुमच्यासाठी अत्यावश्यक आहे. या नियमांचे पालन केल्यास केवळ दंड भरावा लागणार नाही, तर तुम्ही सुरक्षित प्रवासाचाही आनंद घेऊ शकाल. चला, जाणून घेऊया कोणते वाहतूक नियम मोडल्यास किती दंड भरावा लागतो आणि सुरक्षिततेसाठी कोणत्या गोष्टी महत्त्वाच्या आहेत.
1. झेब्रा क्रॉसिंगचा नियम
झेब्रा क्रॉसिंग ओलांडून गाडी उभी करणे वाहतूक नियमांचे उल्लंघन मानले जाते. यामुळे 500 रुपयांपर्यंतचा दंड ठोठावला जातो. दुचाकी किंवा चारचाकी वाहनांसाठीही हीच तरतूद आहे.
2. रस्ता नियमांचे उल्लंघन
नवीन मोटार वाहन कायदा, 2019 अंतर्गत रस्ता नियम मोडल्यास 500 रुपये दंड आकारला जातो. सुरक्षित वाहतुकीसाठी हे नियम अधिक कडक करण्यात आले आहेत.
3. ट्राफिक पोलिसांचे ऐकले नाही तर
जर वाहनचालक ट्राफिक पोलिसांच्या आदेशांचे पालन करत नसतील, तर त्यांना 2,000 रुपयांपर्यंत दंड होऊ शकतो. वाहतूक शिस्त टिकवण्यासाठी हा दंड निश्चित करण्यात आला आहे.
4. आरसीशिवाय वाहन चालवणे
वाहन चालवताना रजिस्ट्रेशन सर्टिफिकेट (RC) बाळगणे अनिवार्य आहे. आरसीशिवाय गाडी चालवताना पकडल्यास 5,000 रुपये दंड आकारला जातो.
5. लायसन्सशिवाय वाहन चालवणे
ड्रायव्हिंग लायसन्स नसताना वाहन चालवणे बेकायदेशीर आहे. यासाठी 5,000 रुपयांचा दंड आकारला जातो. लायसन्स हा चालकाच्या पात्रतेचा पुरावा असतो, त्यामुळे तो बाळगणे आवश्यक आहे.
6. लायसन्स रद्द झाल्यावर वाहन चालवणे
ड्रायव्हिंग लायसन्स रद्द झाल्यानंतरही वाहन चालवल्यास 10,000 रुपयांचा दंड ठोठावला जातो. यासोबतच इतर कठोर शिक्षाही होऊ शकते.
7. ओव्हरस्पीडिंगसाठी दंड
लाइट मोटर व्हेईकल (LMV) वाहनांसाठी वेगमर्यादा ताशी 60 किमी आहे. ही मर्यादा ओलांडल्यास 1,000 रुपयांचा दंड आकारला जातो.
8. दारू पिऊन गाडी चालवणे
पहिल्यांदा दारू पिऊन गाडी चालवताना पकडल्यास 10,000 रुपयांचा दंड आणि 6 महिन्यांचा तुरुंगवास होऊ शकतो. प्रकरण गंभीर असल्यास अधिक कठोर शिक्षा होऊ शकते.
वाहतूक नियम पाळण्याची गरज का?
नव्या वाहतूक नियमांत दंडाची रक्कम वाढवण्यात आली आहे. यामुळे अपघात टाळता येतात, आणि सुरक्षित प्रवास सुनिश्चित होतो. प्रत्येक नागरिकाने वाहतूक नियमांचे पालन करणे गरजेचे आहे.