WhatsApp Update : देशात ऑनलाईन फसवणुकीचे अनेक प्रकरण सध्या समोर येत आहे. आम्ही तुम्हाला सांगतो फसवणूक करणारे आता WhatsApp आणि Telegram सारख्या मेसेजिंग प्लॅटफॉर्मचा वापर मोठ्या प्रमाणात फसवणूक करत आहे.
आंतरराष्ट्रीय नंबरवरून कॉलिंग आणि मेसेजिंग आणि WhatsApp आणि Telegram यूज़र्सना पार्ट टाइम जॉबची ऑफर देत लाखो रुपयांची फसवणूक होत आहे. तुमच्या माहितीसाठी जाणून घ्या मागच्या काही दिवसांपासून हे कॉल्स अत्यंत सामान्य झाले आहेत. अनेक भारतीयांनी – ट्विटर आणि इतर सोशल मीडिया प्लॅटफॉर्मवर – हे आंतरराष्ट्रीय कॉल्स व्हॉट्सअॅपवर येत असल्याची माहिती दिली आहे. हे कॉल आणि मेसेज अनोळखी नंबरवरून येत आहेत. अशा परिस्थितीत जर तुम्हालाही असे कॉल सतत येत असतील तर या 5 गोष्टी ताबडतोब करा ज्यामुळे तुम्ही या घोटाळ्यात अडकण्यापासून वाचू शकता.
आंतरराष्ट्रीय नंबरवरून कॉल आल्यावर हे काम लगेच करा
1. कॉलला उत्तर देऊ नका
तुम्ही ओळखत नसलेल्या आंतरराष्ट्रीय क्रमांकावरून तुम्हाला कॉल आल्यास, त्याचे उत्तर देणे टाळणे चांगले. कॉलला उत्तर दिल्याने तुमची फसवणूक होण्याची शक्यता जास्त आहे.
2. आर्थिक लाभांशी संबंधित मेसेजला प्रतिसाद देऊ नका
तुम्हाला बक्षीस किंवा लॉटरी जिंकल्याचा दावा करणारा आंतरराष्ट्रीय नंबरवरून मेसेज प्राप्त झाल्यास, तो बहुधा स्कॅम असतो. या मेसेजना उत्तर देऊ नका आणि व्हॉट्सअॅपवर तक्रार करू नका.
3. अज्ञात नंबर त्वरित ब्लॉक करा
तुम्हाला एकाच आंतरराष्ट्रीय नंबरवरून अनेक कॉल येत असल्यास, नंबर ब्लॉक करा
4. नंबरची तक्रार करा
जर तुम्हाला वाटत असेल की एखादा आंतरराष्ट्रीय नंबर स्पॅम, फसवणुकीशी जोडलेला आहे, तर तुम्ही त्या नंबरची तक्रार WhatsApp वर करू शकता. हे करण्यासाठी, तुमच्या कॉल लॉगमधील नंबरवर टॅप करा आणि नंबरची तक्रार करण्यासाठी पर्याय निवडा.
5. टू-फॅक्टर ऑथेंटिकेशन अक्टिव्ह करा
तुमच्या WhatsApp खात्याला अनधिकृत प्रवेशापासून संरक्षित करण्यासाठी, टू-फॅक्टर ऑथेंटिकेशन अक्टिव्ह करा. तुमच्या पासवर्ड व्यतिरिक्त, तुमच्या खात्यात लॉग इन करताना तुम्हाला वेरिफिकेशन कोड टाकावा लागेल.
हे पण वाचा :- IPL च्या इतिहासात कोणत्या संघानी ठोकले सर्वाधिक शतके ? RCB सह ‘हे’ संघ टॉप-3 मध्ये