IRDAI : तुम्ही देखील NPS मध्ये पैसे (Money) गुंतवत असाल तर तुम्हाला हे अपडेट माहित असणे आवश्यक आहे. विमा नियामक Irdai (IRDAI) ने सांगितले की, NPS च्या पैशातून पेन्शन खरेदी (Pension purchase) करण्यासाठी निवृत्तीच्या वेळी वेगळा फॉर्म सबमिट करण्याची (submit the form) गरज दूर केली आहे.

इन्शुरन्स रेग्युलेटरी अँड डेव्हलपमेंट ऑथॉरिटी ऑफ इंडिया (IRDAI) ने सांगितले की, विमा उद्योगात (insurance industry) व्यवसाय करणे सोपे करणे आणि पॉलिसीधारकांच्या हिताचे रक्षण करणे हा या निर्णयाचा उद्देश आहे.

स्वतंत्र फॉर्म सबमिट करण्याच्या आवश्यकतेमध्ये शिथिलता

या दिशेने, IRDA ने ज्येष्ठ नागरिकांचे जीवन सुसह्य करण्यासाठी राष्ट्रीय पेन्शन योजनेच्या (NPS) उत्पन्नातून तत्काळ पेन्शन उत्पादने मिळविण्यासाठी स्वतंत्र फॉर्म सादर करण्याची आवश्यकता शिथिल केली आहे. सध्या, NPS मध्ये समाविष्ट असलेल्या सेवानिवृत्तांना पीएफआरडीएकडे पैसे काढण्याचा फॉर्म आणि विमा कंपन्यांना प्रस्ताव फॉर्म सादर करावा लागतो.

विमा कंपन्यांचीही सुविधा असेल

IRDA ने सांगितले की, आता NPS च्या पैसे काढण्याचा फॉर्म पेन्शन खरेदीचा प्रस्ताव फॉर्म मानला जाईल. यामुळे ज्येष्ठ नागरिकांची तसेच विमा कंपन्यांचीही सोय होणार आहे.

पेन्शन सर्व्हिस प्रोव्हायडर (एएसपी) विमा कंपन्या आहेत, ज्या विमा नियामकाद्वारे नियंत्रित केल्या जातात आणि PFRDA द्वारे सूचीबद्ध केल्या जातात. या कंपन्या NPS ग्राहकांना त्यांनी भरलेल्या रकमेच्या आधारे पेन्शन देतात.

पेन्शन फंड रेग्युलेटरी अँड डेव्हलपमेंट अथॉरिटी (PFRDA) कडे NPS अंतर्गत पेन्शन फंड मॅनेजर आहेत, ज्यांना सदस्यांच्या पेन्शन फंडाची न्याय्यपणे गुंतवणूक करण्याचे काम सोपवण्यात आले आहे.

PFRDA च्या नियमांनुसार, सदस्यांना त्यांच्या जमा झालेल्या पेन्शन कॉर्पसपैकी किमान 40 टक्के मासिक पेन्शन उत्पादने खरेदी करण्यासाठी वापरावे लागतात. याशिवाय उर्वरित रक्कम एकरकमी घेता येईल.