Kisan Vikas Patra : चांगल्या भविष्यासाठी अनेकजण सरकारी योजनांमध्ये (Government Schemes) गुंतवणूक करतात. यामध्ये कोणतीही जोखीम नसते त्याचबरोबर परतावाही चांगला असतो.

जर तुम्ही सरकारी योजनेत गुंतवणूक (Government Scheme Investment) केली असेल तर तुमच्यासाठी एक चांगली बातमी आहे. कारण सरकारकडून (Government) काही योजनांच्या व्याजदरात (Interest rate) वाढ करण्यात आली आहे.

1 ऑक्टोबरपासून नवीन व्याजदर लागू

योजनेअंतर्गत तुम्ही पोस्ट ऑफिस (Post office) किंवा कोणत्याही बँकेत अर्ज करू शकता. सध्या किसान विकास पत्र (KVP) वर 7 टक्के व्याज दिले जात आहे. नवीन व्याजदर 1 ऑक्टोबर 2022 पासून लागू करण्यात आला आहे. गुंतवलेले पैसे 123 महिन्यांत (10.3 वर्षे) 7 टक्के व्याजदराने दुप्पट होतात. पूर्वी हे पैसे दुप्पट होण्यासाठी 124 महिने लागायचे.

तुम्ही किमान 1000 रुपयांची गुंतवणूक करू शकता

तुम्ही किसान विकास पत्र अंतर्गत किमान 1000 रुपये गुंतवू शकता. तुम्हाला यापेक्षा जास्त गुंतवणूक करायची असेल, तर तुम्हाला ती 100 रुपयांच्या पटीत करावी लागेल. किसान विकास पत्रामध्ये जास्तीत जास्त गुंतवणुकीवर मर्यादा नाही. तुम्ही कोणत्याही पोस्ट ऑफिस किंवा बँकेला भेट देऊन किसान विकास पत्र (KVP) खरेदी करू शकता. तुम्ही यामध्ये एकट्याने किंवा संयुक्तपणे गुंतवणूक करू शकता.

कोणतीही व्यक्ती एकापेक्षा जास्त किसान विकास पत्र घेऊ शकते. तुम्हाला पैशांची गरज भासल्यास ते तारण ठेवूनही तुम्ही कर्ज घेऊ शकता. एवढेच नाही तर तुम्ही ते तुमच्या पत्नी किंवा मुलाच्या नावावरही ट्रान्सफर करू शकता. या प्लॅनमध्ये तुम्ही 123 महिन्यांनंतर कधीही तुमचे दुप्पट पैसे काढू शकता. हे पैसे तुम्ही जास्त काळ ठेवल्यास तुम्हालाही हाच फायदा मिळतो.