Loan Interest Rate Hike : महागाई (Inflation) कमी होण्याचे नाव घेत नसून आता मध्यमवर्गीयांना आणखी एक झटका दिला आहे. गृहकर्ज ईएमआयचा बोजा पुन्हा एकदा वाढला आहे.
देशातील 4 मोठ्या गृहनिर्माण वित्त संस्थांनी कर्जाच्या व्याजदरात वाढ केली आहे. त्यात गृहनिर्माण वित्त कंपनी (Housing Finance Company) एचडीएफसीचाही समावेश आहे.
एचडीएफसीने व्याजदरात 0.05% वाढ केली –
गृहनिर्माण वित्त कंपनी एचडीएफसी (HDFC) जी तारणावर कर्ज देते तिच्या कर्जाच्या व्याजदरात 0.05% वाढ केली आहे. म्हणजेच जर तुम्ही एचडीएफसीकडून गृहकर्ज घेतले असेल, तर तुमच्या ईएमआयचा बोजा किरकोळ वाढेल.
30 लाखांपर्यंतच्या गृहकर्जासाठी महिलांना आता 7.10% व्याज द्यावे लागेल, तर इतरांसाठी ते 7.15% असेल. त्याचप्रमाणे, 75 लाख रुपयांपर्यंतच्या कर्जावरील कमाल व्याज दर 7.40% आणि रु. 7.50% पेक्षा जास्त कर्जासाठी असेल.
PNB ने केली व्याजदरात 0.15% वाढ –
पंजाब नॅशनल बँके (Punjab National Bank) नेही MCLR 0.15% ने वाढवला आहे. नवे व्याजदर 1 जूनपासून लागू झाले आहेत. यानंतर आता ओवरनाइट कर्जासाठी नवीन व्याजदर 6.75% असेल.
तर एका महिन्याच्या कर्जासाठी 6.80%, तीन महिन्यांसाठी 6.90%, सहा महिन्यांसाठी 7.10%, एका वर्षासाठी 7.40% आणि 3 वर्षे किंवा त्याहून अधिक कालावधीसाठी 7.70% असेल.
आयसीआयसीआय बँकेचे गृहकर्ज खूप महाग –
आयसीआयसीआय बँके (ICICI Bank) नेही त्यांच्या कर्जासाठी MCLR वाढवला आहे. बँकेच्या अधिकृत वेबसाइटनुसार, आता ओवरनाइट कर्जासाठी नवीन व्याजदर 7.30% असेल. एका महिन्याच्या कर्जासाठी 7.30%, तीन महिन्यांसाठी 7.35%, सहा महिन्यांसाठी 7.50% आणि एक वर्ष किंवा त्याहून अधिक कालावधीच्या कर्जासाठी 7.55% असेल.
बँक ऑफ इंडियाच्या व्याजदरातही वाढ झाली आहे –
बँक ऑफ इंडिया (Bank of India) चा MCLR देखील वाढला आहे. नवीन दरांनुसार, ओवरनाइट कर्जासाठी ते आता 6.70% असेल. तर एका महिन्याच्या कर्जासाठी 7.05%, तीन महिन्यांसाठी 7.10%, सहा महिन्यांसाठी 7.20% आणि एका वर्षासाठी 7.35% आणि 3 वर्षे किंवा त्याहून अधिक कालावधीच्या कर्जासाठी 7.70% व्याजदर असेल.