Poco X5 Pro : पोको आपल्या चाहत्यांना आणखी एक आनंदाची बातमी देण्याच्या तयारीत आहे. कारण कंपनीचा Poco X5 Pro हा स्मार्टफोन देशात लाँच होण्यास सज्ज झाला आहे.
कंपनीचा हा नवीन स्मार्टफोन या महिन्याच्या शेवटी लाँच केला जाऊ शकतो. सर्वात महत्त्वाचे म्हणजे या स्मार्टफोनमध्ये 12 GB RAM आणि Qualcomm Snapdragon 778G प्रोसेसर असण्याची दाट शक्यता आहे.
टिपस्टर योगेश ब्रार (@heyitsyogesh) नुसार, Poco X5 Pro हा स्मार्टफोन जानेवारी 2023 च्या अखेरीस लॉन्च होणार आहे. फोनचे फीचर्स Redmi Note 12 Speed Edition सारखे असणार आहे. Redmi Note 12 स्पीड एडिशन अलीकडेच चीनमध्ये 1,699 चीनी युआन म्हणजेच सुमारे 20,200 रुपये किंमतीत सादर केले आहे. ही किंमत 8 GB रॅम आणि 256 GB स्टोरेज वेरिएंटची आहे.
स्पेसिफिकेशन
Redmi Note 12 Pro या फोनमध्ये Android 12 सह MIUI 14 आहे. फोनमध्ये 120Hz च्या रीफ्रेश रेटसह 6.67-इंचाचा फुल एचडी प्लस OLED लवचिक डिस्प्ले आहे. फोनमध्ये 6nm स्नॅपड्रॅगन 778G प्रोसेसरसह 12 GB रॅम आहे.
जोपर्यंत कॅमेऱ्यांचा संबंध आहे, यामध्ये स्पीड एडिशनमध्ये तीन रियर कॅमेरे आहेत ज्यात प्राथमिक लेन्स 100-मेगापिक्सेल Samsung HM2 सेन्सर आहे. दुसरी लेन्स 8 मेगापिक्सेल अल्ट्रा वाईड अँगलची आणि तिसरी लेन्स 2 मेगापिक्सल्सची आहे. सेल्फीसाठी 16 मेगापिक्सेल कॅमेरा आहे. फोनमध्ये 67W फास्ट चार्जिंगसह 5000mAh बॅटरी कंपनीने दिली आहे.