Apple : ग्राहकांना Apple ने दिला झटका! आता हे iPhone खरेदी करता येणार नाही, iPhone 14 Pro चे ही आहे यादीत नाव

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

Apple : जगभरात आयफोनचे खूप चाहते आहेत. कंपनी आपल्या ग्राहकांसाठी सतत नवनवीन फीचर्स असणारे फोन लाँच करत असते. इतर फोनच्या तुलनेत आयफोनची किंमत जास्त असल्यामुळे प्रत्येकालाच आयफोन खरेदी करता येत नाही.

परंतु सध्या आयफोनच्या ग्राहकांना कंपनीने एक मोठा धक्का दिला आहे. कारण ग्राहकांना आयफोनचे काही मॉडेल्स खरेदी करता येणार नाहीत. यात कंपनीच्या iPhone 12, iPhone 14 Pro, iPhone 14 Pro Max आणि iPhone 13 Mini या मॉडेल्सचा समावेश असू शकतो.

iPhone 14 बंद होणार का?

या कंपनीने आपल्या आयफोनचे प्रो व्हेरियंट एका वर्षासाठी विकल्यानंतर ते सोडले आहे. आयफोन 14 प्रो आणि आयफोन 14 प्रो मॅक्ससोबतही असे होऊ शकते. जोपर्यंत आयफोन 14 चा संबंध आहे, तो बाजारात राहू शकतो. कंपनी त्याच्या किमतीत कपात करण्याची शक्यता वर्तवली जात आहे. अहवालात आयफोन 13 मिनी बंद करण्याबाबत सांगण्यात आले आहे कारण दोन वर्षांच्या विक्रीनंतर आयफोन 12 मिनी कंपनीकडून बंद करण्यात आला होता.

मिळणार नवीन प्रोसेसर

कंपनी आता आगामी नवीन सीरीज म्हणजेच iPhone 15 मध्ये चार हँडसेट लॉन्च करण्याची शक्यता आहे. बेस आयफोन 15 वेरिएंट शिवाय, यात आयफोन 15 प्लस, आयफोन 15 प्रो आणि आयफोन 15 प्रो मॅक्स असेल. कंपनी आयफोन 15 च्या बेस आणि प्लस प्रकारांमध्ये A16 बायोनिक चिपसेट देईल. तर, प्रो व्हेरिएंटसह दोन्ही iPhones नवीनतम A17 चिपसेटसह सुसज्ज असणार आहे. हे सर्व स्मार्टफोन iOS 17 ऑपरेटिंग सिस्टमवर काम करतील तसेच कंपनी WWDC इव्हेंटमध्ये ही OS लॉन्च करू शकते.