Indian Railways : दररोज कितीतरी लोक रेल्वेने प्रवास करत असतात. आपल्या प्रवाशांच्या सोयीसाठी तसेच त्यांचा प्रवास सुखकर होईल यासाठी रेल्वे सतत नवनवीन सुविधा आणत असते. तसेच प्रवाशांच्या हितासाठी रेल्वे प्रशासन काही नियमात बदल करते.
परंतु, स्लीपर क्लासमधून प्रवास करत असताना काही प्रवाशांना काही समस्यांना सामोरे जावे लागते. जर तुम्हीही स्लीपर क्लासमधून प्रवास करत असाल आणि तुम्हालाही त्रास होत असेल तर काळजी करू नका. तुम्हाला आता चालू ट्रेनमध्ये तुमचा क्लास अपग्रेड करून थर्ड एसीमध्ये जागा बुक करता येईल.
रेल्वेच्या या नियमाबद्दल खूप कमी लोकांना माहिती आहे. भारतीय रेल्वेच्या नियमानुसार, तुम्ही धावत्या ट्रेनमध्ये तुमचे आरक्षित तिकीट अपग्रेड करू शकता.
जर तुम्हाला या सुविधेचा लाभ घ्यायचा असेल तर तुम्हाला फार काही करण्याची गरज नाही. तुम्हाला फक्त चालत्या ट्रेनमध्ये या समस्येबाबत TTE शी संपर्क साधू शकता. तुम्हाला त्यांना एसी क्लासमध्ये प्रवास करायचा आहे असे सांगावे लागेल.
लगेच टीटीई तुम्हाला एसी वर्गात बर्थ देईल. तुम्हाला वर्ग अपग्रेड करण्‍यासाठी श्रेणीसुधारित वर्गासाठी आरक्षण फीसह दोन्ही वर्गांच्या भाड्यातील फरक भरावा लागेल.
समजा जर एसी क्लासमधील बर्थ रिकामा असेल तरच तुमचे आरक्षित तिकीट अपग्रेड केले जाईल हे माहिती असावे. एसी क्लासच्या डब्यांमध्ये बर्थ रिक्त नसेल तर तुमचे आरक्षित तिकीट अपग्रेड केले जाणार नाही.