सर्वोत्तम मायलेज देणाऱ्या कार, शक्तिशाली इंजिनसह किंमतही खास !

Best Mileage Cars : देशात मायलेज देणाऱ्या वाहनांना खूप मागणी आहे. असे क्वचितच लोकं असतील जे मायलेजचा विचार करत नाहीत. जास्तीत जास्त लोक चांगल्या मायलेज असलेली वाहने घेण्यास प्राधान्य देतात. अशातच आज आम्ही तुम्हाला अशा काही गाड्यांबद्दल सांगणार आहोत ज्या उत्तम मायलेजसह चांगले फीचर्स देखील ऑफर करतात. चला या वाहनांबद्दल जाणून घेऊया…

उत्तम मायलेज देण्याऱ्या कार 

Kia Seltos

Kia Seltos कंपनीच्या सर्वोत्तम वाहनांपैकी एक मानली जाते. यामध्ये कंपनीने 1.5-लिटर टर्बो-पेट्रोल इंजिन दिले आहे. हे इंजिन 160 HP ची कमाल पॉवर निर्माण करते. तसेच, ते 6-स्पीड iMT किंवा 7-स्पीड DCT गिअरबॉक्सशी जोडले गेले आहे. कंपनीच्या मते, ही कार तुम्हाला 17.8 किमी प्रति लीटरपर्यंत मायलेज देण्यास सक्षम आहे. या कारची सुरुवातीची एक्स-शोरूम किंमत सुमारे 10.89 लाख रुपये ठेवण्यात आली आहे.

Skoda Kushaq

स्कोडा कुशाक ही कंपनीच्या सर्वात सुरक्षित वाहनांपैकी एक मानली जाते. या कारमध्ये कंपनीने 1.5-लिटर, चार-सिलेंडर टर्बो-पेट्रोल इंजिन दिले आहे. हे इंजिन 150 HP कमाल पॉवर निर्माण करण्यास सक्षम आहे. यासोबतच याला 6-स्पीड मॅन्युअल किंवा 7-स्पीड DCT गिअरबॉक्सशी जोडण्यात आले आहे. कंपनीच्या मते, ही कार तुम्हाला 17.83 kmpl एआरएआय प्रमाणित मायलेज देते. या कारची सुरुवातीची एक्स-शोरूम किंमत सुमारे 11.559 लाख रुपये ठेवण्यात आली आहे.

Volkswagen Taigun

फोक्सवॅगन टायगन उत्कृष्ट मायलेज देण्यासही सक्षम आहे. या कारमध्ये, कंपनीने 1.5-लिटर, चार-सिलेंडर, टर्बो-पेट्रोल इंजिन दिले आहे जे जास्तीत जास्त 150 एचपी पॉवर जनरेट करते. यासोबतच याला 6-स्पीड मॅन्युअल आणि 7-स्पीड DCT गिअरबॉक्सशी जोडण्यात आले आहे. या कारमध्ये तुम्हाला 18.18 किमी प्रति लीटरचा मायलेज पाहायला मिळेल. कंपनीने या कारची सुरुवातीची एक्स-शोरूम किंमत सुमारे 11.62 लाख रुपये ठेवली आहे.

Maruti Suzuki Grand Vitara

कंपनीने मारुती सुझुकीच्या सर्वात लोकप्रिय कार ग्रँड विटारामध्ये 1.5-लिटरचे नैसर्गिकरित्या एस्पिरेटेड पेट्रोल इंजिन दिले आहे. हे इंजिन 103 hp ची कमाल पॉवर जनरेट करते. त्याच वेळी, कंपनीच्या म्हणण्यानुसार, ही आलिशान कार तुम्हाला सुमारे 21.12 किमी प्रति लिटर एआरएआय प्रमाणित मायलेज देते. यासोबतच याला 5-स्पीड मॅन्युअल किंवा 6-स्पीड ऑटोमॅटिक गिअरबॉक्सशी जोडण्यात आले आहे. कंपनीने या कारची सुरुवातीची एक्स-शोरूम किंमत सुमारे 10.70 लाख रुपये ठेवली आहे.