Best-Selling Mahindra SVU : भारतीय बाजारात लोकप्रिय ऑटो कंपनीने महिंद्रने नोव्हेंबर 2022 मध्ये मोठ्या प्रमाणात कारची विक्री केली आहे. कंपनीने मागच्या महिन्यात Mahindra XUV300, Scorpio, Bolero सारख्या SUV ची मोठ्या प्रमाणात विक्री केली आहे.
तुम्ही देखील महिंद्राची SUV खरेदी करणार असाल तर आम्ही तुम्हाला मागच्या महिन्यात सर्वाधिक विक्री होणाऱ्या महिंद्राच्या SUV बद्दल संपूर्ण माहिती देणार आहोत ज्याचा तुम्हाला नवीन SUV खरेदी करताना उपयोग होणार आहे.
Mahindra XUV300
महिंद्रा XUV300 ही नोव्हेंबर 2022 मध्ये कंपनीची तिसरी सर्वाधिक विक्री होणारी SUV आहे. नोव्हेंबर, 2022 म्हणजेच गेल्या महिन्यात XUV300 च्या 5903 युनिट्सची विक्री करण्यात कंपनी यशस्वी झाली. जर आपण मागील वर्षी याच महिन्यातील आकडेवारी पाहिली तर कंपनीने XUV300 च्या 4005 युनिट्सची विक्री केली होती. म्हणजेच विक्रीत 47 टक्के वाढ नोंदवण्यात आली आहे.
Mahindra XUV300 हे 1.2-लीटर पेट्रोल इंजिन किंवा 1.5-लीटर डिझेल मिलसह ऑफर केले जाते, तर पेट्रोल इंजिनची स्पोर्टियर व्हर्जन XUV300 TurboSport सह ऑफर केली जाते, जी 129bhp पॉवरसह सेगमेंटमधील सर्वात शक्तिशाली SUV आहे.
Mahindra Scorpio
महिंद्राची दुसरी सर्वाधिक विक्री होणारी एसयूव्ही स्कॉर्पिओ आहे. यामध्ये नुकत्याच लाँच झालेल्या Scorpio-N आणि जुन्या मॉडेल Scorpio Classic चा समावेश आहे. नोव्हेंबर 2021 मध्ये विकल्या गेलेल्या 3370 युनिटच्या तुलनेत नोव्हेंबर 2022 मध्ये महिंद्राने स्कॉर्पिओच्या 6455 युनिट्सची विक्री केली आहे. वार्षिक आधारावर, कंपनीने 92 टक्के वाढ नोंदवली आहे. महिंद्रा स्कॉर्पिओ क्लासिक 2.2-लिटर डिझेल इंजिनसह उपलब्ध आहे, तर नवीन Scorpio-N ला दोन डिझेल इंजिन आणि एक पेट्रोल इंजिनचा पर्याय मिळतो. नवीन Mahindra Scorpio-N मध्ये 4X4 प्रणाली देखील आहे.
Mahindra Bolero
महिंद्रा बोलेरो ही कंपनीची नोव्हेंबर 2022 मध्ये सर्वाधिक विकली जाणारी SUV आहे. कंपनीने नोव्हेंबर 2021 मध्ये महिंद्रा बोलेरोच्या 5442 युनिट्सची विक्री केली, तर गेल्या महिन्यात म्हणजेच नोव्हेंबर 2022 मध्ये कंपनीने 7984 युनिट्सची विक्री केली.
वार्षिक आधारावर, कंपनीने विक्रीत 47 टक्के वाढ नोंदवली आहे. महिंद्रा बोलेरो 1.5-लिटर डिझेल इंजिनसह येते, जे 75bph पॉवर आणि 210Nm टॉर्क निर्माण करते. हे इंजिन 5 स्पीड मॅन्युअल गिअरबॉक्ससह येते. त्याच वेळी, बोलेरो निओमध्ये 1.5-लिटर डिझेल आहे, जे 100bhp आणि 240Nm टॉर्क जनरेट करते. यात 5-स्पीड गिअरबॉक्सचीही सुविधा आहे. इंजिन सर्व प्रकारच्या रस्त्यांवर चांगले कार्य करण्यास पुरेसे शक्तिशाली आहे. बोलेरोचे शरीर भक्कम आहे.
हे पण वाचा :- Renault Car Prices Hike : ग्राहकांनो ‘ह्या’ कार्स पटकन करा खरेदी! नाहीतर पुढील वर्षापासून मोजावे लागणार ‘इतके’ जास्त पैसे