file photo
अहमदनगर Live24 टीम, 2 सप्टेंबर 2021 :- नव्या युगात सर्वकाही ऑनलाइन झाले आहे. अनेक सरकारी आणि खाजगी सेवा इंटरनेटवर उपलब्ध आहेत. आतापर्यंत आपल्याला नवीन सिमकार्ड घेण्यासाठी दुकानात जावे लगे. पण आता सरकारने यातही लोकांना दिलासा दिला आहे.
आता तुम्ही सिम कार्डची होम डिलिव्हरी घेऊ शकता आणि नंबर सक्रिय करण्यासाठी सेल्फ केवायसी करू शकता. सरकारने मोबाईल ऑपरेटरना अॅपद्वारे घरी केवायसी करण्याची सुविधा देण्यास सांगितले आहे. दूरसंचार विभागाने वैयक्तिक आणि बाहेरच्या ग्राहकांना नवीन मोबाईल कनेक्शन देण्याची पर्यायी प्रक्रिया म्हणून सेल्फ-केवायसीसाठी मार्गदर्शक तत्त्वे जारी केली आहेत.
आतापर्यंत लोकांना सिमकार्ड घेण्यासाठी दुकानात जावे लागत होते. केवायसी करण्यासाठी पॅन कार्ड किंवा आधार कार्डची प्रत सादर करावी लागे . परंतु यामुळे या सर्व कामांपासून सुटका होईल.
सेल्फ-केवायसी कसे करावे? दूरसंचार विभागाने लोकांना सेल्फ-केवायसीची प्रक्रिया स्वीकारण्याचे आवाहन केले आहे. मोबाईल सिम मिळवण्यासाठी वापरकर्त्याला कंपनीचे मोबाईल अॅप डाउनलोड करावे लागते. नोंदणीसाठी ग्राहकाला त्याचा पर्यायी क्रमांक द्यावा लागेल.
पर्यायी क्रमांक नसल्यास, नातेवाईकाचा क्रमांक देखील वैध आहे. त्या क्रमांकावर ओटीपी प्राप्त केल्यानंतर, वापरकर्त्याची नोंदणी केली जाईल. ग्राहक OTP द्वारे लॉग इन करू शकतील.
आवश्यक कागदपत्रे स्वतः अपलोड करावीत :- अॅपवर आवश्यक कागदपत्रे अपलोड करून ग्राहकांना स्वतः सेल्फ-केवायसी प्रक्रिया पूर्ण करावी लागेल. रिलायन्स जिओ आणि एअरटेल सारख्या प्रमुख दूरसंचार कंपन्या आधीच सिमची होम डिलिव्हरी करत आहेत.
वोडाफोन-आयडिया देखील सिमची होम डिलिव्हरी करत आहे. ज्यांना ही माहिती नाही, ते अजूनही दुकानात जाऊन नवीन सिम आणि केवायसी करून घेत आहेत.