file photo
अहमदनगर Live24 टीम, 02 डिसेंबर 2021 :- कोल्हापूर उत्तरचे आमदार चंद्रकांत जाधव (अण्णा ) यांचे गुरुवारी पहाटे निधन झाले.
गेल्या काही दिवसापासून त्यांच्यावर हैदराबाद येथील खासगी रुग्णालयात उपचार सुरु होते.
रुग्णालयात उपचारादरम्यानच त्यांनी अखेरचा श्वास घेतला. कोल्हापूर उत्तर विधानसभा मतदारसंघाचे ते आमदार होते.
हैदराबादमधून त्यांचे पार्थिव दुपारी एक वाजेपर्यंत कोल्हापुरात आणण्यात येणार असल्याची माहिती मिळत आहे.
2019 मध्ये झालेल्या विधानसभेच्या निवडणुकीत त्यांनी माजी आमदार राजेश क्षीरसागर यांचा पराभव केला होता.
मनमिळावू व कार्यतत्पर अशी ओळख असणाऱ्या जाधव यांच्या मृत्यूने उद्योगासह राजकीय क्षेत्रात हळहळ व्यक्त केली जात आहे.