मोठी बातमी : भाजपच्या माजी मंत्र्याची गळफास घेऊन आत्महत्या !

अहमदनगर Live24 टीम, 20 सप्टेंबर 2021 :- भाजपचे ज्येष्ठ नेते आणि माजी परिवहन मंत्री रजिंदरपाल सिंह भाटिया यांनी राहत्या घरात गळफास घेऊन आत्महत्या केल्याची खळबळजनक घटना घडली आहे.

भाटिया यांनी इतक्या टोकाचे पाऊल का उचलले, याच अद्याप कारण स्पष्ट झालं नाही. पोलिसांनी दिलेल्या माहितीनुसार, राजनादगांव जिल्ह्यातून खुज्जी विधानसभा मतदारसंघातून रजिंदरपाल सिंह भाटिया तीन वेळ आमदार म्हणून निवडून आले होते.

2003 मध्ये रजिंदरपाल सिंह भाटिया यांना भाजपने उमेदवारी दिली होती. त्याचवेळी त्यांना मंत्रिपद सुद्धा मिळाले होते.  2008 च्या निवडणुकीत मात्र पक्षाने त्यांना उमेदवारी दिली नव्हती.

2013 मध्ये सुद्धा भाटिया यांना भाजपने तिकीट दिले नव्हते. त्यामुळे त्यांनी अपक्ष म्हणून निवडणूक लढवली होती. या निवडणुकीत त्यांचा पराभव झाला पण त्यांनी दुसऱ्या स्थान पटकावले होते.

रविवारी संध्याकाळी रजिंदरपाल घरी एकटेच होते. कुटु्ंबातील सदस्य जेव्हा घरी आले तेव्हा त्यांनी भाटिया यांनी गळफास घेतला असल्याचं निदर्शनास आलं.

त्यानंतर घटनेची माहिती पोलिसांना देण्यात आली. रजिंदरपाल भाटिया गेल्या काही दिवसांपासून आजाराने त्रस्त होते. भाटिया यांच्या आत्महत्येमुळे परिसरात एकच खळबळ उडाली आहे.

पोलिसांना घटनास्थळी कोणतीही सुसाईड नोट मिळाली नाही. पोलिसांनी कुटुंबीयांशी चौकशी केली असून अधिक तपास करत आहे.

• अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
• फेसबुक । ट्विटर । टेलिग्राम । युट्युब। गुगल न्यूज । इंस्टग्राम