Big Stock : पावरफुल स्टॉक! या पशुखाद्य कंपनीच्या शेअर्समधून 1 लाखाचे झाले 4 कोटी, गुंवणूकदारांना 40000% पेक्षा जास्त फायदा

Big Stock : गेल्या अनेक दिवसांपासून शेअर्स बाजारात (stock market) घसरण (Falling) होत असून गुंतवणूकदार (Investors) अडचणीत आले आहेत. मात्र अशा वेळी पशुखाद्य व्यवसायाशी (animal feed business) निगडित असलेल्या कंपनीच्या शेअर्समध्ये 1 लाख रुपयांची गुंतवणूक वाढून 4 कोटींहून अधिक झाली आहे.

ही कंपनी अवंती फीड्स (Avanti feeds) आहे. कंपनीच्या शेअर्सने गेल्या काही वर्षांत जबरदस्त परतावा (Refund) दिला आहे. गेल्या काही वर्षांत अवंती फीडचे शेअर्स 1 रुपयांवरून 400 रुपयांपर्यंत वाढले आहेत. कंपनीच्या समभागांनी 40,000 टक्क्यांहून अधिक परतावा दिला आहे. अवंती फीड्सच्या शेअर्सचा 52 आठवड्यांचा उच्चांक 673 रुपये आहे.

ब्रेकिंग बातम्या मोफत वाचण्यासाठी इथे क्लिक करा

1 लाख रुपये 4 कोटींहून अधिक झाले

20 मार्च 2009 रोजी बॉम्बे स्टॉक एक्स्चेंजमध्ये अवंती फीड्सचे शेअर्स 1.03 रुपयांच्या पातळीवर होते. 11 जुलै 2022 रोजी कंपनीचे शेअर्स BSE वर 447.95 रुपयांवर बंद झाले. या कालावधीत कंपनीच्या समभागांनी 40,000 टक्क्यांहून अधिक परतावा दिला आहे.

जर एखाद्या व्यक्तीने 20 मार्च 2009 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती तर सध्या हे पैसे 4.34 कोटी रुपये झाले असते.

स्थापनेपासून 84000 टक्क्यांहून अधिक परतावा दिलेला आहे

अवंती फीडच्या शेअर्सने गुंतवणूकदारांना सुरुवातीपासून 84,400% पेक्षा जास्त परतावा दिला आहे. 14 जुलै 1995 रोजी बॉम्बे स्टॉक एक्सचेंज (BSE) वर अवंती फीड्सचे शेअर्स 53 पैशांवर होते. 11 जुलै 2022 रोजी कंपनीचे शेअर्स BSE वर 447.95 रुपयांवर बंद झाले.

जर एखाद्या व्यक्तीने 14 जुलै 1995 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या हे पैसे 8.45 कोटी रुपये झाले असते. अवंती फीड्सच्या शेअर्सचा 52 आठवड्यांचा नीचांक रु. 384.90 आहे.