Microsoft : जगात अनेक श्रीमंत लोक आहेत. जगातल्या श्रीमंत लोकांबद्दल बोलायचं झालं तर त्यात बिल गेट्स यांचंही नाव घेतलं जातं. बिल गेट्स हे जगातील टॉप10 श्रीमंत व्यक्तींमध्ये आहेत. बिल गेट्स यांचा आज वाढदिवस आहे.
बिल गेट्स 68 वर्षांचे आहेत. जाणून घेऊया बिल गेट्स यांच्याविषयी काही रंजक गोष्टी आणि जाणून घेऊया बिल गेट्स इतके श्रीमंत कसे झाले याविषयी.
श्रीमंतांच्या यादीत समावेश :- बिल गेट्स यांचा जन्म 28 ऑक्टोबर 1955 रोजी वॉशिंग्टनमधील सिएटल येथे झाला. आज जगातील सर्वात श्रीमंत व्यक्तींच्या यादीत बिल गेट्स सहाव्या स्थानावर आहेत. फोर्ब्सच्या रिअल टाइम अब्जाधीशांच्या यादीनुसार बिल गेट्स यांची एकूण संपत्ती 108.6 अब्ज डॉलर आहे. बिल गेट्स यांचे वडील वकील होते आणि बिल गेट्स यांनी वकील व्हावे अशी त्यांच्या कुटुंबीयांची इच्छा होती, पण तसे झाले नाही.
कॉलेज सोडलं :- वयाच्या 13 व्या वर्षी बिल गेट्स यांनी आपला पहिला सॉफ्टवेअर प्रोग्राम लिहिला. बिल गेट्स हे कॉलेज ड्रॉपआउट आहेत. 1975 मध्ये त्यांनी हार्वर्ड सोडले आणि 1975 मध्ये मायक्रोसॉफ्टची स्थापना केली. कॉलेज सोडून मायक्रोसॉफ्टची स्थापना करणे हा बिल गेट्स यांच्या आयुष्यातील टर्निंग पॉईंट होता आणि हे पाऊल त्यांना मोठ्या उंचीवर घेऊन गेले.
कोट्यवधी रुपयांची देणगी :- बिल गेट्स आणि पॉल अॅलन यांनी मायक्रोसॉफ्टची स्थापना केली होती. मात्र, पॉल यांनी 1982 मध्ये मायक्रोसॉफ्ट सोडले. बिल गेट्स यांचा परोपकारावर विश्वास आहे.
आतापर्यंत त्यांनी आपल्या मालमत्तेतून कोट्यवधी रुपयांची देणगी दिली आहे. बिल गेट्स यांना तीन मुलेही आहेत. बिल गेट्स यांनी अनेक पुस्तके लिहिली आहेत आणि स्टार्टअपमध्ये मोठ्या प्रमाणात गुंतवणूक केली आहे. सध्या बिल गेट्स यांनी मायक्रोसॉफ्टच्या संचालक मंडळाचा राजीनामा देत धर्मादाय कार्यावर अधिक लक्ष केंद्रित केले आहे.