Chanakya Niti : सावधान! ‘या’ व्यक्तींना चुकूनही सांगू नका व्यवसाय आणि पैशाशी निगडित गोष्टी, होईल तुमचे खूप मोठे नुकसान

Chanakya Niti : आचार्य चाणक्य त्यांच्या धोरणात अनेक अशा गोष्टी सांगितल्या आहेत की ज्या आजही समाजात तसेच कुटुंबात जगण्याचा मार्ग सांगत असतात. इतकेच नाही तर जीवन जगण्यासाठी ते काही महत्त्वाचे सल्ले देत असतात.

चाणक्य यांनी पैसा, आरोग्य, व्यवसाय, वैवाहिक जीवन तसेच जीवनातील यश अशा अनेक गोष्टींबद्दल सांगण्यात आले आहे. चाणक्य नीतीनुसार काही लोकांना व्यवसाय आणि पैशाशी निगडित कोणत्याही गोष्टी सांगू नये असे सांगण्यात आले आहे. नाहीतर तुम्हाला खूप नुकसान सहन करावे लागेल.

लोभी माणूस

चुकूनही लोभी माणसासमोर पैसे किंवा व्यवसायाबद्दल बोलू नये, कारण लोभामुळे अशा लोकांकडून तुमची फसवणूक होण्याची शक्यता असते. त्यामुळे तुम्हाला व्यवसायात मोठे नुकसान सहन करावे लागत असल्याने अशा लोकांसमोर व्यवसाय किंवा पैशाबद्दल बोलणे टाळावे.

प्रतिस्पर्धी व्यक्ती

चाणक्य यांच्या मतानुसार, व्यवसायाशी निगडित गुप्त गोष्टी किंवा तुमच्या योजना व्यवसायात तुमचा प्रतिस्पर्धी असणाऱ्या व्यक्तीसमोर सांगू नये. कारण तुम्ही असे केले तर ती व्यक्ती तुमच्या या गोष्टींचा फायदा घेते. असे असल्याने व्यावसायिक संबंध फक्त एका मर्यादेपर्यंत मर्यादित ठेवावे.

भोळे लोक

अनेकजण खूप भोळे असतात. धूर्त लोक अशा लोकांकडून सहज आपले काम करून घेत असतात. त्यामुळे समजा जर तुमचा एखादा खूप भोळा मित्र असेल असल्यास त्याच्यासोबत पैसे किंवा व्यवसायाबद्दल काहीही बोलू नका. यामुळे तुमचेच नुकसान होईल.

मत्सर करणाऱ्या व्यक्ती

सगळीकडे तुम्हाला मत्सर करणारे लोक सापडतील. त्यामुळे समजा एखाद्याला तुमचा हेवा वाटत असल्यास त्यांच्यासमोर कधीही व्यवसायाबद्दल बोलू नका. वेळ आली की असे लोक कोणाचेही नुकसान करण्यास मागेपुढे पाहत नाही, त्यामुळे तुमचेच नुकसान होते.