Chennai Super Kings IPL-2023 : IPL 2023 साठी बीसीसीआयसह स्पर्धेत सहभागी होणाऱ्या सर्वच संघानी जोरात तयारी सुरु केली आहे. पुढच्या महिन्यात IPL 2023 साठी मिनी लिलाव देखील होणार आहे.
मात्र सध्या सोशल मीडियावर दुसरीच चर्चा सुरु आहे. ते म्हणजे चेन्नई सुपर किंग्जचा महेंद्रसिंग धोनीनंतर वारसदार कोण होणार? याची चर्चा सोशल मीडियावर जोराने होत आहे. आम्ही तुम्हाला सांगतो 41 वर्षीय महेंद्रसिंग धोनीचा हा बहुतेक शेवटचा IPL सीझन असेल. त्यामुळे धोणीनंतर कोण हा सध्या चर्चेचा विषय ठरला आहे.
गेल्या मोसमात रवींद्र जडेजाकडे कर्णधारपद सोपवण्यात आले होते मात्र काही वादामुळे त्याने मोसमाच्या मध्यातच कर्णधारपद सोडले होते. यानंतर उर्वरित सामन्यांमध्ये धोनीने संघाचे नेतृत्व केले. पण आता चेन्नई संघाला नवा कर्णधार मिळण्याची वेळ आली आहे.
वसीम जाफरने ऋतुराज गायकवाड यांचे नाव घेतले
टीम इंडियाचा माजी क्रिकेटपटू वसीम जाफरने चेन्नई सुपर किंग्जचा कर्णधार कोण बनू शकतो, असा इशारा दिला आहे. जाफर म्हणाला की, मला वाटतं ऋतुराज गायकवाड चेन्नई सुपर किंग्जचा पुढचा कर्णधार होऊ शकतो. गायकवाड हा 25 वर्षांचा युवा खेळाडू आहे, त्यामुळे चेन्नई फ्रँचायझी त्याला कर्णधारपदी बढती देण्याचा विचार करू शकते. ही जबाबदारी पार पाडण्यासाठी तो सध्या सर्वोत्तम उमेदवार आहे.
गायकवाड चेन्नईसाठी सामना विजेता ठरला आहे
IPL 2021 मध्ये ऋतुराज गायकवाडने चेन्नई सुपर किंग्जला स्वबळावर चॅम्पियन बनवले. आयपीएलच्या आकडेवारीवर नजर टाकल्यास गायकवाडने एकूण 36 सामने खेळले असून प्रत्येक सामन्यात 37 धावांच्या सरासरीने एकूण 1207 धावा केल्या आहेत. ऋतुराजचा स्ट्राईक रेटही 130 च्या जवळ आहे आणि तो प्रत्येक वेळी संघाला चांगली सुरुवात देतो. त्यामुळेच महेंद्रसिंग धोनीनंतर ऋतुराज गायकवाडचा पुढचा कर्णधार म्हणून विचार केला जात आहे.
धोनी कधी हो म्हणतो तर कधी नाही
दोन वर्षांपूर्वी आंतरराष्ट्रीय क्रिकेटमधून निवृत्ती घेतलेल्या महेंद्रसिंग धोनीच्या आयपीएलमधून निवृत्तीबद्दल चर्चा केली जाते तेव्हा तो कधी हो, तर कधी नाही असे उत्तर देतो. आता तो 41 वर्षांचा असेल आणि त्यामुळेच टीम फ्रँचायझी त्याच्यानंतर कर्णधाराच्या शोधात आहे.