Corona Virus Update : चीनचा कोरोना व्हेरियंट भारतातही दाखल झाला आहे. कोविड 19 च्या BF.7 या नवीन व्हेरियंटने आतापर्यंत तीन जणांना संसर्ग झाल्याची नोंद झाली आहे. पीटीआय या वृत्तसंस्थेच्या अपडेटनुसार, एक प्रकरण गुजरातमधील वडनगरमधील आहे.
महिलेला एनआरआय म्हटले जात आहे. अहवालानुसार, भारतात BF.7 चे पहिले प्रकरण ऑक्टोबरमध्ये गुजरात बायोटेक्नॉलॉजी रिसर्च सेंटरमध्ये आढळून आले. BF.7 ने चीनमध्ये कहर केला आहे. कोरोनाच्या तीन रुग्णांपैकी दोन गुजरात आणि एक प्रकरण ओडिशातील आहे.
केंद्राने कोविड संदर्भात आढावा बैठक घेतली
भारतीय आरोग्य मंत्रालयाने बुधवारी कोविड-19 च्या नवीन प्रकारामुळे उद्भवलेल्या परिस्थितीबाबत तातडीची बैठक घेतली. बैठकीत केंद्रीय आरोग्य मंत्री मांडविया यांनी अधिकाऱ्यांना सतर्क राहून पाळत ठेवण्याची यंत्रणा मजबूत करण्याचे निर्देश दिले.
एका ट्विटमध्ये मांडविया यांनी म्हटले आहे की, काही देशांमध्ये कोविड-19 च्या प्रकरणांमध्ये झालेली वाढ पाहता, तज्ञ आणि अधिकाऱ्यांसोबत परिस्थितीचा आढावा घेतला. ते म्हणाले की कोविड अजून संपलेला नाही. मी सर्व संबंधितांना सतर्क राहण्यास आणि दक्षता वाढविण्यास सांगितले आहे. आम्ही कोणत्याही परिस्थितीला तोंड देण्यासाठी तयार आहोत.
चीनमध्ये कोरोनाचे रुग्ण झपाट्याने वाढत आहेत
चीनमध्ये कठोर ‘झिरो कोविड पॉलिसी’ मागे घेतल्यानंतर, संसर्गाच्या प्रकरणांमध्ये मोठी वाढ होऊ शकते आणि मोठ्या प्रमाणात लोकांचा मृत्यू होऊ शकतो. ‘द इकॉनॉमिस्ट’मध्ये नुकत्याच प्रकाशित झालेल्या एका अहवालानुसार, लोकांना संसर्ग होण्याचे प्रमाण आणि इतर परिस्थितीच्या अभ्यासावर आधारित, सुमारे 1.5 दशलक्ष चिनी नागरिकांचा मृत्यू होण्याची शक्यता वर्तवण्यात आली आहे. हे आकडे इतर अलीकडील आकडेवारीशी देखील जुळतात, ज्यात ‘द लॅन्सेट’ जर्नलमध्ये गेल्या आठवड्यात आलेल्या अहवालाचा समावेश आहे.
हे पण वाचा :- Best Recharge Plans : आता बिनधास्त वापरा इंटरनेट ! ‘इतक्या’ स्वस्तात दररोज मिळणार 5GB डेटासह खूपकाही; वाचा सविस्तर