जबरदस्त : सामान्य सायकलचे Electric Cycle मध्ये रूपांतर होईल, जाणून घ्या कसे

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर Live24 टीम,  15 फेब्रुवारी 2022 :- आपल्या सर्वांना माहित आहे की इलेक्ट्रिक वाहनांना प्राधान्य देणाऱ्या लोकांची संख्या आज भारतात झपाट्याने वाढत आहे. दुसरीकडे, इलेक्ट्रिक वाहने बनवणाऱ्यांची संख्याही वाढत आहे. नवीन आणि जुन्या कंपन्या एकामागून एक इलेक्ट्रिक वाहने नवीन फीचर्स आणि स्टायलिश लुकसह लॉन्च करत आहेत.(Electric Cycle)

दरम्यान, एक बातमी समोर आली आहे, जी तुमच्यासाठी खूप फायदेशीर ठरू शकते. वास्तविक, भारतातील एका व्यक्तीने असे उपकरण (DVECK सिस्टम) डिझाइन केले आहे, जे काही तासांत तुमची जुनी किंवा नवीन सायकल इलेक्ट्रिक बाइकमध्ये बदलू शकते आणि ही माहिती महिंद्रा अँड महिंद्रा कंपनीचे मालक आनंद महिंद्रा यांनी त्याच्या ट्विटर हँडलवर दिली आहे.

आनंद महिंद्रा यांनी कौतुक केले :- वास्तविक, आनंद महिंद्रा यांनी त्यांच्या ट्विटर अकाऊंटवर एक व्हिडिओ शेअर केला आहे, ज्यामध्ये गुरसौरभ नावाची व्यक्ती एका सामान्य सायकलचे इलेक्ट्रिक सायकलमध्ये रूपांतरित करताना दिसत आहे. या व्हिडिओच्या माध्यमातून गुरसौरभने जुगाड इलेक्ट्रिक सायकलच्या वैशिष्ट्यांविषयी माहिती दिली आहे.

तसेच व्हिडीओमध्ये हे दाखवण्यात आले आहे की नुसते उपकरण बसवून एका सामान्य सायकलला इलेक्ट्रिक सायकलमध्ये कसे रूपांतरित केले जाऊ शकते. हे उपकरण वॉटर प्रूफ तसेच फायर प्रूफ असल्याचा दावा गुरसौरभ यांनी केला आहे.

इलेक्ट्रिक सायकलचे कौतुक करताना आनंद महिंद्रा यांनीही गुरसौरभला भेटण्याची इच्छा व्यक्त केली आहे. त्या सायकलच्या वैशिष्ट्यांविषयी माहिती देताना आनंद महिंद्रा म्हणाले की, सायकलमध्ये मोटर बसवणारे जगात पहिले असे कोणतेही उपकरण नाही, परंतु त्यामध्ये काहीतरी विशेष आहे ज्यामुळे ते इतरांपेक्षा वेगळे आहे.

वैशिष्ट्ये :- आनंद महिंद्रा यांनी स्वतः ट्विटमध्ये सायकलच्या वैशिष्ट्यांची माहिती दिली आहे. त्यांनी आपल्या ट्विटमध्ये सांगितले की, या इलेक्ट्रिक सायकलमध्ये उत्तम डिझाइन, कॉम्पॅक्ट, चिखलात चालणे, खडबडीत रस्त्यावर सनसनाट चालणे, अत्यंत सुरक्षित, फोन चार्जिंग पोर्ट अशी वैशिष्ट्ये आहेत.

आनंद महिंद्रा या ई-सायकल किटमध्ये गुंतवणूक करू शकतात :- या इलेक्ट्रिक सायकलमधील उपकरणाने आनंद महिंद्रासह अनेकांची मने जिंकली आहेत. आनंद महिंद्रा यांनी गुंतवणूक करण्याची तयारी दर्शवली आहे. आनंद महिंद्रा यांनी ट्विट करून लिहिले आहे की, व्यवसाय म्हणून हे यशस्वी होईल किंवा नफा देईलच असे नाही, तर या उपकरणात गुंतवणूक करणे माझ्यासाठी अभिमानाची बाब असेल.

सर्वोच्च वेग :- DVECK सिस्टीम 25 किमी/ताशी क्षमतेच्या एका सामान्य सायकलला इलेक्ट्रिक सायकलमध्ये रूपांतरित करते. याशिवाय, हे उपकरण स्थापित केल्यानंतर, इलेक्ट्रिक सायकलची रेंज 40 किमी आहे आणि पेलोड क्षमता 170 किलो आहे.