अहमदनगर Live24 टीम, 24 फेब्रुवारी 2021 :-अहमदनगर येथील दिव्यांगी कृष्णा लांडे या खेळाडूने राष्ट्रीय स्पर्धेत प्रथम क्रमांकासह सुवर्णपदक पटकावले .
पश्चिम विभागीय राष्ट्रीय मैदानी स्पर्धा कोटा स्टेडियम रायपूर ,छतिसगड येथे दि .२४ फेब्रुवारी ते २६ फेब्रुवारी या कालावधीत सुरू आहेत.
ट्रॅक रेसर्स स्पोर्टस फाऊंडेशनची खेळाडू दिव्यांगी कृष्णा लांडे ही महाराष्ट्राकडून १४ वर्ष वयोगटात ६० मीटर धावण्याच्या स्पर्धेत सहभागी झाली होती .
तीने या स्पर्धेत ८.०१ सेकंद अशी सर्वोत्कृष्ट वेळ नोंदवत सुवर्णपदकाला गवसणी घातली. गेल्या वर्षी देखील तीने १०० मीटर ,
२०० मीटर धावण्याच्या स्पर्धेत राष्ट्रीय स्तरावर सुवर्णपदक पटकावले होते . दिव्यांगी उध्दव अॅकेडमी मध्ये इयत्ता ८ वी मध्ये शिकत आहे .
दिव्यांगी एनआयएस कोच व महाराष्ट्र राज्य अॅथलेटीक्स असोशिएशनचे सहसचिव दिनेश भालेराव यांच्या मार्गदर्शनाखाली वाडीया पार्कवर सराव करत आहे .
या यशाबद्दल दिव्यांगीचे छत्रपती पुरस्कार विजेते रंगनाथ डागवाले, छत्रपती पुरस्कार विजेते सुनील जाधव ,
महाराष्ट्र शारीरिक शिक्षक महासंघाचे अध्यक्ष राजेंद्र कोतकर , माध्यमिक शिक्षक सोसायटीचे संचालक आप्पासाहेब शिंदे ,
कबड्डीचे सहसचिव विजयसिंह मिस्किन, संचालक महेंद्र हिंगे, सचिन काळे , अमित चव्हाण , गुलजार शेख यांनी अभिनंदन केले .