EPFO Update : कोरोना (Corona) महामारीमध्ये EPFO ने पीएफ खात्यामधील पैसे काढण्याच्या नियमात (Rule) बदल केला आहे. याअगोदर पीएफधारकांना (PF) फक्त गरजेच्या वेळीच पीएफ खात्यातून पैसे काढू शकत होते.
हे पैसे खात्यात येण्यास बराच कालावधी लागत असे. परंतु आता ईपीएफओने काही नियम बदलले (Changes) आहेत, त्यानंतर पीएफधारक कोणत्याही परिस्थितींमध्येही पैसे काढू शकतात.
अशा प्रकारे पैसे काढू शकता
वास्तविक, सरकारने (Government) पीएफ खातेधारकांना ही सुविधा दिली आहे की ते या कोरोनाच्या काळात त्यांच्या पीएफ खात्यातून आगाऊ पैसे काढू शकतात. यामध्ये घरबसल्या तुमच्या बँक खात्यात पैसे येतात आणि अगदी कमी वेळात. त्याच वेळी, तुम्ही तुमच्या पीएफ खात्यातून अशा प्रकारे दोनदा ॲडव्हान्स पैसे काढू शकता.
तुम्ही याप्रमाणे पीएफ ॲडव्हान्स पैसे काढू शकता :-
स्टेप 1
तुम्हालाही पैशांची गरज असल्यास आणि तुम्हाला तुमच्या पीएफ खात्यातून आगाऊ पैसे काढायचे असतील. तर यासाठी तुम्हाला प्रथम EPFO च्या अधिकृत वेबसाइट आणि सदस्य ई-सेवा पोर्टल https://unifiedportal-mem.epfindia.gov.in/memberinterface/ वर जावे लागेल.
स्टेप 2
आता UAN नंबर, पासवर्ड आणि कॅप्चा कोड टाकून लॉग इन करा. त्यानंतर तुम्हाला ‘ऑनलाइन सेवा’ वर जाऊन ‘फॉर्म-31, 19, 10C आणि 10D’ चा पर्याय निवडावा लागेल.
स्टेप 3
त्यानंतर तुम्हाला बँक खाते क्रमांक भरून याची पुष्टी करावी लागेल. आता तुमच्या चेकबुक किंवा पासबुकची स्कॅन केलेली प्रत येथे अपलोड करा.
स्टेप 4
त्यानंतर तुम्हाला पीएफ ॲडव्हान्स काढण्याचे कारण म्हणून ‘महामारीचा उद्रेक’ हा पर्याय निवडावा लागेल. आता शेवटी तुम्हाला येथे आधारशी लिंक केलेल्या मोबाईल नंबरवर OTP टाकावा लागेल. 3 दिवसांच्या आत, पैसे तुमच्या खात्यात जमा होतात.