अहमदनगर Live24 टीम, 20 मार्च 2022 Stock Market :- कोविड-19 महामारीमुळे अर्थव्यवस्था काहीशी डळमळाली होती. मात्र आता सर्वकाही पूर्वपदावर येत आहे.
यातच गेल्या दोन वर्षात अनेक शेअर्सनी उत्कृष्ट परतावा दिला आहे. क्वालिटी फार्मास्युटिकल्स हा या मल्टीबॅगर स्टॉकपैकी एक आहे. या शेअरने गुंतवणूकदारना चांगलेच मालामाल केले आहे.
बीएसईवर लिस्टेड क्वालिटी फार्मा शेअरची किंमत गेल्या दोन वर्षांत 25.55 रुपयांवरून 404.55 रुपयांपर्यंत वाढली आहे. या कालावधीत स्टॉक सुमारे 1500 टक्के वाढला आहे.
दरम्यान गेल्या एका महिन्यात, क्वालिटी फार्माच्या शेअरची किंमत 454.25 वरून 404.55 वर आली आहे, या कालावधीत सुमारे 11 टक्क्यांनी घसरण झाली आहे.
हा मल्टीबॅगर फार्मा स्टॉक गेल्या 6 महिन्यांत जवळपास 593 रुपये ते 404 रुपयांच्या पातळीवर पोहोचला आहे. या कालावधीत सुमारे 30 टक्के घट झाली आहे. मात्र गेल्या एका वर्षात, क्वालिटी फार्मा अजूनही भारतातील मल्टीबॅगर स्टॉकपैकी एक आहे.
क्वालिटी फार्माचे शेअर्स गेल्या एका वर्षात 52.10 रुपयांवरून 404.55 रुपयांपर्यंत वाढले आहेत, या कालावधीत सुमारे 675 टक्के वाढ झाली आहे. जर एखाद्या गुंतवणूकदाराने वर्षभरापूर्वी या मल्टीबॅगर स्टॉकमध्ये 1 लाख गुंतवले असते,
तर त्याचे 1 लाख आज 7.75 लाख झाले असते. त्याचप्रमाणे, जर एखाद्या गुंतवणूकदाराने या मल्टीबॅगर स्टॉकमध्ये दोन वर्षांपूर्वी 1 लाख गुंतवले असतील तर त्याचे आज 16 लाख झाले असते.