Mumbai Attack : आजचा दिवस अख्या देशालाच नाही तर अख्या जगाला आठवत असेल. कारण याच दिवशी अतिरेक्यांनी मुंबईमध्ये धुमाकूळ घातला होता. या दिवशी अतिरेक्यांच्या हल्ल्यात शेकडो लोकांचा जीव गेला होता. आजही हा प्रसंग आठवला तर अनेकांच्या अंगावर काटे येतील इतका भयानक हल्ला होता.
आज चौदा वर्षे झाली. या दिवशी मुंबईत दहशतवाद्यांनी भीषण हल्ला केला होता. 26 नोव्हेंबर 2008 ही तारीख होती. मुंबईत दहशत माजवण्यासाठी दहशतवादी सागरी मार्गाने आले होते.
दहशतवादी हल्ल्यात 18 सुरक्षा कर्मचार्‍यांसह 166 शहीद झाले होते तर अनेक जण जखमी झाले होते. कोट्यवधींची जीवित व वित्तहानी झाली होती. 14 वर्षांनंतरही मुंबई हल्ल्याची ती चित्रे आपल्या मनात भीती निर्माण करतात.
मुंबईतील छत्रपती शिवाजी महाराज टर्मिनस, ओबेरॉय ट्रायडंट, ताजमहाल पॅलेस आणि टॉवर, लिओपोल्ड कॅफे, कामा हॉस्पिटल, नरिमन कम्युनिटी सेंटर या ठिकाणांना दहशतवाद्यांनी लक्ष्य केले होते. हल्ल्यादरम्यान जिवंत पकडण्यात आलेला अजमल कसाब हा एकमेव दहशतवादी होता. 21 नोव्हेंबर 2012 रोजी 4 वर्षांनी फाशी देण्यात आली.
हल्ला करणाऱ्यांना शिक्षा झाली मात्र कट रचणारे कुठे आहेत?
साजिद मीर
मुंबई हल्ल्यात साजिद मीरला ‘प्रोजेक्ट मॅनेजर’ची जबाबदारी देण्यात आली होती. या हल्ल्याचा कट रचण्यात त्याचा मोठा हात होता. साजिद मीरचा भारताच्या ‘मोस्ट वॉन्टेड’ यादीत समावेश असून अमेरिकेने त्याच्यावर 5 दशलक्ष डॉलर्स म्हणजेच 35 कोटींचे बक्षीस जाहीर केले आहे.
या वर्षी जूनमध्ये, पाकिस्तानच्या दहशतवाद विरोधी न्यायालयाने साजिद मीरला दहशतवादी वित्तपुरवठा प्रकरणात 15 वर्षांची शिक्षा सुनावली आणि सध्या तो पाकिस्तानच्या तुरुंगात आहे.
हाफिज सईद
दहशतवादी संघटना लष्कर-ए-तैयबा आणि जमात-उद-दावाचा म्होरक्या हाफिज सईद हा मुंबई हल्ल्याचा मास्टरमाईंड मानला जातो. एप्रिल 2022 मध्ये, पाकिस्तानच्या दहशतवादविरोधी न्यायालयाने त्याला 31 वर्षांच्या तुरुंगवासाची शिक्षा सुनावली. मात्र, शिक्षा सुनावल्यानंतरही हाफिज मोकळेपणाने फिरताना दिसत आहे. द्वेषपूर्ण भाषणे देणारे त्यांचे व्हिडिओ सोशल मीडियावर व्हायरल होतात.
झकी-उर-रहमान लखवी
झाकी-उर-रहमान लखवी हा संयुक्त राष्ट्रांनी नियुक्त केलेला दहशतवादी आहे. लख्वीला जानेवारी 2021 मध्ये दहशतवादाला वित्तपुरवठा केल्याच्या आरोपाखाली पाकिस्तानमध्ये अटक करण्यात आली होती आणि त्याला 15 वर्षांच्या तुरुंगवासाची शिक्षा सुनावण्यात आली होती. लखवीला हल्ल्यांसाठी पैसे गोळा करणे आणि वाटप करण्यात दोषी आढळले.
डेव्हिड कोलमन हेडली
मुंबई हल्ल्यात डेव्हिड कोलमन हेडलीची मोठी भूमिका होती. हेडलीने मुंबईत 5 भेटी दिल्या होत्या. यादरम्यान त्याने कॅमेऱ्याने ज्या ठिकाणी हल्ला केला जाऊ शकतो त्याचे चित्रीकरण केले नाही.
ऑक्टोबर 2009 मध्ये हेडलीला अमेरिकेत अटक करण्यात आली होती. 10 डिसेंबर 2015 रोजी ते सरकारी साक्षीदार झाले. त्यानंतर मुंबई हल्ल्यातील भूमिकेसाठी त्याला 35 वर्षांची शिक्षा सुनावण्यात आली होती. सध्या तो तुरुंगात आहे.