Gold Price Update : सध्या लग्न सोहळ्याचा सीजन (Wedding Season) चालू आहे. जर तुम्ही लग्न सोहळ्याच्या शुभकार्यात सोने (Gold) खरेदी करण्याचा विचार करत असताल तर तुमच्यासाठी आनंदाची बातमी आहे. सोन्याच्या दरात सलग पाच दिवसांपासून घसरण (Falling) सुरूच आहे.
शुक्रवारी सराफा बाजारात (Bullion Market) सोन्या-चांदीच्या दरात घसरण नोंदवण्यात आली. दहा ग्रॅम सोने ५०,७९३ रुपयांवर स्वस्त झाले आहे, तर एक किलो चांदीचे दरही खाली आले आहेत. आता चांदी (Silver) 60,914 रुपयांना विकली जात आहे. एचडीएफसी सिक्युरिटीजने ही माहिती दिली आहे.
जाणून घ्या आज सोन्याचा भाव किती आहे?
दिल्ली सराफा बाजारात शुक्रवारी सोन्याचा भाव 58 रुपयांनी कमी होऊन प्रति 10 ग्रॅम 50,793 रुपयांवर बंद झाला. गेल्या ट्रेडिंग सत्रात दिल्ली सराफा बाजारात सोन्याचा भाव 50,851 रुपये प्रति 10 ग्रॅमवर बंद झाला होता.
आज चांदीची किंमत?
दिल्ली सराफा बाजारात चांदीचा भाव 601 रुपयांनी घसरल्यानंतर 60,914 रुपये प्रति किलोवर बंद झाला. गेल्या व्यापार सत्रात दिल्ली सराफा बाजारात चांदीचा भाव 61,515 रुपये प्रति किलोवर बंद झाला होता.
सोन्याचा नवा भाव कसा शोधायचा?
सोन्या चांदीचे हे दर तुम्ही घरबसल्या सहज शोधू शकता. यासाठी तुम्हाला ८९५५६६४४३३ या क्रमांकावर मिस कॉल द्यावा लागेल आणि तुमच्या फोनवर एक संदेश येईल, ज्यामध्ये तुम्ही नवीनतम दर पाहू शकता.
FY22 मध्ये सोन्याची आयात 33.34 टक्क्यांनी वाढली
गेल्या आर्थिक वर्ष २०२१-२२ मध्ये देशातील सोन्याची आयात ३३.३४ टक्क्यांनी वाढून ४६.१४ अब्ज डॉलरवर पोहोचली आहे. अधिकृत आकडेवारीनुसार, 2020-21 या आर्थिक वर्षात भारताची सोन्याची आयात $34.62 अब्ज होती.