Gold Rate Update : जर तुम्ही सोने चांदी खरेदीच्या विचारात असाल तर तुमच्यासाठी खुशखबर आहे. कारण मकर संक्रांतीपूर्वी गुरुवारी भारतीय सराफा बाजारात सोन्या-चांदीच्या दरात घसरण झाली आहे.
दहा ग्रॅम सोने 56,082 रुपयांवर स्वस्त झाले आहे. एक किलो चांदीचा दरही खाली आला असून तो आता 68,754 रुपयांना विकला जात आहे. एचडीएफसी सिक्युरिटीजने ही माहिती दिली आहे.
गुरुवारी दिल्ली सराफा बाजारात सोने 105 रुपयांच्या घसरणीसह 56,082 रुपये प्रति 10 ग्रॅमवर बंद झाले. गेल्या ट्रेडिंग सत्रात सोन्याचा भाव 56,187 रुपये प्रति 10 ग्रॅमवर बंद झाला होता. त्याचप्रमाणे चांदीचा भावही 572 रुपयांनी घसरून 68,754 रुपये प्रति किलोवर बंद झाला.
एचडीएफसी सिक्युरिटीजच्या विश्लेषकाने सांगितले की, “दिल्लीच्या बाजारात स्पॉट सोन्याचा दर 56,082 रुपये प्रति 10 ग्रॅम होता. हे प्रति 10 ग्रॅम 105 रुपयांची घसरण दर्शवते.
मिस्ड कॉलद्वारे सोन्याचे दर जाणून घ्या
दरम्यान, तुम्ही घरबसल्या सोन- चांदीचे दर सहज शोधू शकता. यासाठी तुम्हाला ८९५५६६४४३३ या क्रमांकावर मिस कॉल द्यावा लागेल आणि तुमच्या फोनवर एक संदेश येईल, ज्यामध्ये तुम्ही नवीनतम दर पाहू शकता.