Maharashtra : राज्याचे राज्यपाल भगतसिंह कोश्यारी हे सतत कोणत्या ना कोणत्या वक्तव्यावरून वादात सापडत असतात. तसेच राज्यपाल मुद्दाम आणि जाणूनबुजून अशी वक्तव्ये करत असल्याचा आरोप विरोधी पक्षनेत्यांकडून करण्यात येत आहे.
भगतसिंह कोश्यारी हे सतत छत्रपती शिवाजी महाराज यांच्याबद्दल काही तरी चुकीचे वक्तव्ये करतात आणि माफीही मागत नाहीत. हे सर्व त्यांना करायला सांगितले जात आहे की ते स्वतः अश्या प्रकारची वक्तव्ये करतात असे प्रश्नही विरोधी पक्षांकडून करण्यात येत आहेत.
राज्यपाल भगतसिंग कोश्यारी यांनी शुक्रवारी सांगितले की, राज्यपाल झाल्यानंतर मी नाखूष आहे आणि मला वाटते की ते योग्य ठिकाणी नाहीत. कोश्यारी म्हणाले, “मी दुःखी आहे, आनंदी नाही.” भगतसिंग कोश्यारी यांची सप्टेंबर 2019 मध्ये महाराष्ट्राचे राज्यपाल म्हणून नियुक्ती करण्यात आली आहे.
कोश्यारी जैन समाजाच्या एका कार्यक्रमात बोलत होते. यावेळी त्यांनी महाराष्ट्राचे राज्यपाल झाल्यानंतर आनंदी नसल्याचे सांगितले. जेव्हा संन्यासी किंवा मुमुक्षरत्न राजभवनात येतात तेव्हाच आपल्याला आनंद आणि योग्य ठिकाणी वाटते, असे ते म्हणाले.
राज्य सरकारला तीर्थक्षेत्र मंत्रालय स्थापन करण्याची विनंती केली
भविष्यात तीर्थक्षेत्र उद्योग उभारण्याची विनंतीही राज्यपालांनी शिंदे सरकारला केली. राज्यपाल म्हणाले, “मी सरकारला पर्यटन मंत्रालयासारखे तीर्थक्षेत्र मंत्रालय तयार करण्याची विनंती करतो कारण तीर्थक्षेत्रांना स्वतःचे मोठेपण आहे.”
राज्याच्या पर्यटन विभागातर्फे शुक्रवारी राजभवन येथे ‘पवित्र जैन तीर्थ दर्शन सर्किट’चे उद्घाटन करण्यात आले. या कार्यक्रमाला महाराष्ट्राचे राज्यपाल भगतसिंग कोश्यारी आणि पर्यटन मंत्री मंगल प्रभात लोढा आणि वैष्णोदेवी मंदिर मंडळाचे सदस्य महामंडलेश्वर श्री विश्वेश्वर आनंद गिरीजी महाराज हे देखील उपस्थित होते.