HDFC Bank : देशातील मध्यवर्ती बँक भारतीय रिझर्व्ह बँकचे गव्हर्नर शक्तीकांत दास आज सर्वसामान्यांना धक्का देत रेपो रेटमध्ये वाढ केली आहे. आरबीआयने या वर्षी सलग पाचव्यांदा रेपो रेटमध्ये वाढ केली आहे.
आम्ही तुम्हाला सांगतो या आरबीआयने घेतलेल्या या निर्णयानंतर आता रेपो रेट 5.90 टक्क्यांवरून 6.25 टक्के झाला. यातच आता देशातील आणखी एक मोठी बँक HDFC Bank ने देखील मोठा निर्णय घेत ग्राहकांना जोरदार धक्का दिला आहे.
आम्ही तुम्हाला सांगतो बँकेने ग्राहकांसाठी निधी आधारित कर्ज दर (MCLR) दर 0.05 टक्क्यांवरून 0.10 टक्क्यांपर्यंत वाढवण्याचा निर्णय घेतला आहे. बँकेने आपल्या अधिकृत वेबसाइटवर दिलेल्या माहितीनुसार नवीन MCLR दर 7 डिसेंबर 2022 पासून लागू झाले आहेत. याचा थेट परिणाम आता तुमच्या होम लोन EMI वर होणार आहे. आता तुम्हाला होम लोन EMI वर जास्त पैसे मोजावे लागणार आहे.
नवीन व्याजदर
HDFC बँकेने दिलेल्या माहितीनुसार, बँकेच्या ग्राहकांना एका रात्रीपासून ते 1 महिन्यापर्यंत MCLR वर 8.30 टक्के व्याज द्यावे लागेल. त्याच वेळी, 3 महिन्यांच्या MCLR वर 8.35 टक्के, 6 महिन्यांवर 8.45 टक्के, 1 वर्षासाठी 8.60 टक्के, 2 वर्षांसाठी 8.70 टक्के आणि 3 वर्षांच्या MCLR वर 8.80 टक्के व्याज आकारले जाते.
RBI ने व्याजदर वाढवले
RBI गव्हर्नर शक्तीकांत दास यांनी तीन दिवसीय चलन समितीच्या बैठकीनंतर (RBI MPC Meet) व्याजदरात (रेपो रेट) 0.35 टक्क्यांनी वाढ केली आहे. नवीन व्याजदर 5.90 टक्क्यांवरून 6.25 टक्के झाले आहेत. आरबीआय गव्हर्नर म्हणाले की समितीच्या सहा सदस्यांपैकी पाच सदस्य रेपो दर वाढवण्याच्या बाजूने होते.
भारत जगातील सर्वात वेगाने वाढणारी अर्थव्यवस्था राहील
RBI गव्हर्नर शक्तिकांत दास म्हणाले की, संपूर्ण जगात आव्हानात्मक परिस्थिती असूनही, भारत जगातील सर्वात वेगाने वाढणारी अर्थव्यवस्था राहील. FY2023 मध्ये भारताचा GDP दर 7 टक्क्यांवरून 6.8 टक्क्यांपर्यंत घसरण्याची शक्यता आहे. अन्नधान्याच्या किमती आणि ऊर्जेच्या किमतींमध्ये किरकोळ घट दिसून आली आहे. तथापि, महागाई अद्याप लक्ष्यापेक्षा जास्त राहण्याची अपेक्षा आहे.
हे पण वाचा :- SBI Scheme : एसबीआयच्या ‘या’ भन्नाट योजनेत करा फक्त एकदा गुंतवणूक अन् दरमहा घरी बसून कमवा ‘इतके’ पैसे