Moto G73 5G : शक्तिशाली प्रोसेसर आणि तगड्या फीचर्ससह लॉन्च झाला कंपनीचा नवीन स्मार्टफोन, कमी किमतीत खरेदी करता येणार

Moto G73 5G : मोटोरोलाने आज आपला नवीन मिड-रेंज स्मार्टफोन Moto G73 5G भारतात लॉन्च केला आहे. कंपनीचा हा स्मार्टफोन शक्तिशाली प्रोसेसर आणि तगड्या फीचर्ससह लॉन्च झाला आहे. जर तुम्हाला कंपनीचा हा नवीन स्मार्टफोन खरेदी करायचा असेल तर तुम्ही तो 18,999 रुपयांमध्ये करू शकता.

या फोनची विक्री 16 मार्चपासून फ्लिपकार्ट तसेच निवडक रिटेल स्टोअरमधून होणार आहे. स्टोरेजचा विचार करायचा झाल्यास या कंपनीने 8 जीबी रॅम आणि 128 जीबी स्टोरेज दिले आहे. यात 5,000mAh बॅटरी देण्यात आली असून जी 30W TurboPower फास्ट चार्जिंगला सपोर्ट करत आहे

किती असणार किंमत

हे लक्षात घ्या की भारतात या फोनला सिंगल स्टोरेजमध्ये सादर केले आहे. हा फोन ल्युसेंट व्हाईट आणि मिडनाईट ब्लू या दोन रंगांच्या पर्यायांमध्ये येत आहे. फोनच्या 8 जीबी रॅम आणि 128 जीबी स्टोरेजची किंमत 18,999 रुपये इतकी असणार आहे.

जर तुम्हाला कंपनीचा हा फोन विकत घ्यायचा असेल तर तुम्ही 16 मार्चपासून फ्लिपकार्ट तसेच निवडक रिटेल स्टोअरमधून खरेदी करता येईल. इतकेच नाही तर फोन निवडक बँक कार्ड्ससह खरेदीवर रु. 2,000 सूट आणि Axis, HDFC, ICICI आणि SBI कार्ड्सवर दरमहा रु. 3,167 च्या नो-कॉस्ट EMI पर्यायांसह येतो.

जाणून घ्या Moto G73 5G चे स्पेसिफिकेशन

या फोनमध्ये ड्युअल-सिम (नॅनो) सपोर्टसह सादर केला आहे. या फोनमध्ये Android 13 उपलब्ध असून कंपनी फोनसोबत Android 14 अपडेट देत आहे. तसेच या फोनसोबत कंपनीकडून तीन वर्षांचे सिक्युरिटी अपडेट्सही दिले जाणार आहेत. या फोनच्या स्पेसिफिकेशनबद्दल बोलायचे झाले तर यात 6.5-इंचाचा फुल एचडी प्लस डिस्प्ले देण्यात आला आहे, ज्यामध्ये 120Hz रिफ्रेश रेटसह (1,080×2,400 पिक्सेल) रिझोल्यूशन आहे. या फोनला MediaTek Dimensity 930 प्रोसेसरसह 128 GB स्टोरेज क्षमता आणि 8 GB पर्यंत RAM मिळत आहे.

कंपनीच्या नवीन फोनमध्ये ड्युअल कॅमेरा सेटअप उपलब्ध असून ज्यामध्ये प्राथमिक कॅमेरा 50 मेगापिक्सलचा उपलब्ध आहे, जो f/1.8 अपर्चरसह येतो. दुय्यम कॅमेरा 8-मेगापिक्सेल अल्ट्रा-वाइड मॅक्रो डेप्थ शूटर आहे. तसेच सेल्फी आणि व्हिडिओ कॉलसाठी फोनमध्ये 16-मेगापिक्सलचा फ्रंट कॅमेरा उपलब्ध असणार आहे.

कंपनीने या फोनसह 5,000mAh बॅटरी पॅक केली आहे, जी 30W TurboPower फास्ट चार्जिंगला सपोर्ट करत आहे. तसेच कंपनीच्या या फोनसोबत बॉक्समध्ये चार्जरही उपलब्ध आहे. इतर कनेक्टिव्हिटीसाठी, या फोनमध्ये 5G, Wi-Fi 802.11a/b/g/n/ac, Bluetooth 5.3, FM radio, GPS/A-GPS, NFC, LTEPP, GLONASS, Galileo, USB Type-C पोर्ट आणि 3.5 आहेत. मिमी पोर्ट हेडफोन जॅक देखील उपलब्ध आहे.