Health Tips : किडनी निरोगी ठेवण्यासाठी काय कराल? खालील गोष्टी जाणून घेऊन आजच तुमच्या दिनचर्येत करा बदल

Health Tips : जर तुम्ही चुकीचा आहार घेत असाल तर तुमच्या किडनीवर चुकीचा आहारामुळे परिणाम होतो. शरीरातील विषारी पदार्थ काढून टाकण्यात किडनी महत्त्वाची भूमिका बजावते. अशा वेळी तुम्हालाही किडनी निरोगी ठेवायची असेल तर या टिप्स नक्की फॉलो करा. जाणून घेऊया-

जास्त पाणी प्या

मूत्रपिंडाचे कार्य रक्तातून पाणी आणि सोडियम वेगळे करणे आहे. यासाठी शरीराला हायड्रेट ठेवणे आवश्यक आहे. शरीरात पाण्याच्या कमतरतेमुळे शरीरात विषारी पदार्थ जमा होऊ लागतात. यासाठी रोज 8 ग्लास पाणी प्यावे. यामुळे शरीरातील टॉक्सिन निघून जातात. यासोबतच शरीर शुद्ध होते. यामुळे चयापचय देखील वाढतो.

व्यायाम करा

निरोगी राहण्यासाठी डॉक्टर दररोज व्यायाम करण्याचा सल्ला देतात. सोप्या भाषेत सांगायचे तर, निरोगी राहण्यासाठी व्यायाम करणे खूप महत्वाचे आहे. व्यायामामुळे किडनी निरोगी राहते.

तसेच रक्तदाब, कोलेस्ट्रॉल आणि रक्तातील साखर नियंत्रणात राहते. यासाठी रोज व्यायाम करा. दुसरीकडे, जर तुमच्याकडे पुरेसा वेळ नसेल, तर तुम्ही दररोज स्किपिंग आणि सायकलिंगचा अवलंब करू शकता.

लघवी रोखू नका

काही लोकांना लघवी रोखून ठेवण्याची सवय असते. तुम्हीही हे करत असाल तर ही सवय बदला. त्यामुळे किडनीवर दबाव येतो. लघवी जास्त वेळ रोखून ठेवणे आरोग्यासाठी घातक ठरू शकते.

जंक फूडचे सेवन कमी करा

बाजारात उपलब्ध असलेले डबाबंद आणि जंक फूडच्या सेवनाने आरोग्यावर वाईट परिणाम होतो. त्यामुळे लठ्ठपणा, मधुमेह, बद्धकोष्ठता, मूळव्याध यांसह किडनीच्या आजारांचा धोकाही वाढतो. यासाठी जंक फूड टाळा.