Aadhaar card update : आधार कार्ड हे सर्वात हे महत्त्वाच्या कागदपत्रांपैकी एक असून ते प्रत्येक भारतीय नागरिकाकडे असणे आवश्यक आहे. आधारच्या मदतीने आपल्याला नवीन सिम कार्ड खरेदी करता येते. आधार कार्डचा वापर सुरक्षितपणे करायला पाहिजे.
परंतु, नकळत आपल्या आधार कार्डवर सिम घेतले जाते. त्यामुळे फसवणुकीच्या तक्रारी समोर येत आहेत. जर तुम्हाला तुमच्या आधार कार्डवर देखील किती जणांनी सिम कार्ड घेतले आहे हे जाणून घ्यायचे असेल तर एक सोपी पद्धत वापरा.
तर, सिमकार्ड घेण्यासाठी एखाद्याने तुमचे आधार कार्ड वापरले आहे की नाही हे कसे शोधायचे? त्यामुळे सरकारने एक पोर्टल सुरू केले आहे. याच्या मदतीने तुम्ही तुमच्या नावावर किती सिम नोंदणीकृत आहेत आणि किती सक्रिय आहेत हे तपासू शकाल.
दूरसंचार विभागाने TAFCOP (टेलीकॉम अॅनालिटिक्स फॉर फ्रॉड मॅनेजमेंट अँड कन्झ्युमर प्रोटेक्शन) नावाचे पोर्टल सुरू केले आहे, ज्यामध्ये तुम्ही तुमच्या नावावर किती मोबाईल नोंदणीकृत आहेत हे सहज शोधू शकता.
2018 मध्ये, विभागाने प्रति व्यक्ती मोबाईल कनेक्शनची संख्या 18 पर्यंत वाढवली होती. यामध्ये सामान्य मोबाइल वापरासाठी 9 सिम आणि उर्वरित 9 M2M (मशीन टू मशीन) संवादासाठी समाविष्ट आहेत.
आधार कार्डवर किती सक्रिय सिम कार्ड आहेत?
स्टेप 1: http://tafcop.dgtelecom.gov.in वर जा
स्टेप 2: तुमचा मोबाईल नंबर एंटर करा आणि ‘OTP विनंती’ वर क्लिक करा.
स्टेप 3: ते तुम्हाला OTP पॅनेलवर घेऊन जाईल
स्टेप 4: OTP एंटर करा आणि नंतर Validate वर क्लिक करा.
स्टेप 5: आता तुम्ही तुमच्या आधारसाठी जारी केलेला मोबाइल नंबर/सिम कार्ड पाहू शकता
तुम्ही सूचीतील अज्ञात क्रमांकाची तक्रार देखील करू शकता, फक्त डाव्या चेक बॉक्सवर क्लिक करा आणि त्या नंबरची तक्रार करा. नंबर बंद करण्‍यासाठी तुम्ही दूरसंचार सेवा प्रदात्याशी देखील संपर्क साधावा.