SBI Rupay Cards UPI
SBI Credit Card : स्टेस्ट बँकेचे क्रेडिट कार्ड वापरत असाल तर ही बातमी तुमच्यासाठी अत्यंत महत्वाची आहे, कारण यापुढे UPI पेमेंट भारतातील सर्वात मोठ्या सार्वजनिक क्षेत्रातील बँक (SBI) च्या रुपे कार्डद्वारे देखील केले जाऊ शकते. एसबीआय कार्ड आणि नॅशनल पेमेंट्स कॉर्पोरेशन ऑफ इंडियाने गुरुवारी याबाबत माहिती दिली आहे.
भारतात UPI हा एक मोठा डिजिटल प्लॅटफॉर्म बनला आहे. UPI द्वारे दररोज लाखो व्यवहार होतात. ग्राहकांना सोपे व्यवहार करण्यासाठी हा निर्णय घेण्यात आला आहे. रुपे कार्डद्वारे UPI पेमेंट केल्यास डिजिटल पेमेंटला चालना मिळेल. ग्राहक त्यांचे क्रेडिट कार्ड UPI शी लिंक करू शकतात.
यासाठी ग्राहकाला कोणतेही शुल्क द्यावे लागणार नाही. ग्राहक याद्वारे P2P व्यवहार देखील करू शकतात. ग्राहक RuPay क्रेडिट कार्ड BHIM UPI, PhonePe, Paytm, Google Pay, Slide आणि Mobikwik सारख्या विविध अॅप्सशी लिंक करू शकतो.
बँकेने घोषणा केली की ती SBI क्रेडिट कार्ड UPI सह एकत्रित करत आहे. SBI कार्ड ग्राहक आता RuPay वर जारी केलेल्या क्रेडिट कार्डद्वारे UPI व्यवहार करू शकतील.
UPI अॅपवर क्रेडिट कार्डची नोंदणी करून ग्राहक या सुविधेचा लाभ घेऊ शकतात, स्टेट बँक ऑफ इंडियाची उपकंपनी असलेल्या SBI कार्डने एका निवेदनात म्हटले आहे. हे UPI व्यवहारांसाठी रुपे प्लॅटफॉर्मवर SBI कार्ड वापरणाऱ्या ग्राहकांना संधी वाढवेल, असे बँकेने निवेदनात म्हटले आहे. डिजिटल पेमेंटला प्रोत्साहन देण्यासाठी बँकेने हा निर्णय घेतला आहे.
तुम्हीही SBI चे ग्राहक असाल तर डेबिट कार्डशिवायही तुम्ही ATM मधून पैसे काढू शकता. यासाठी तुम्हाला तुमच्या फोनमध्ये योनो अॅप डाउनलोड करावे लागेल. तुम्ही YONO अॅपवर खाते नोंदणी करताच, तुम्ही फक्त ATM वर जा आणि YONO कॅश पर्याय निवडा. आता योनो कॅश खाते क्रमांक प्रविष्ट करा. यानंतर तुम्हाला पिन टाकून व्हेरिफिकेशन करावे लागेल. यानंतर तुम्ही एटीएममधून पैसे काढू शकता.