IMD Alert : सध्या उन्हाळ्याचे दिवस आहे. मात्र हवामानात बदल झाल्याने काही ठिकाणी मुसळधार पाऊस कोसळत आहे. सर्वात महत्त्वाचे म्हणजे काही दिवसांपूर्वीच राज्यात मुसळधार पाऊस पडला होता. त्यामुळे शेतकऱ्यांचे नुकसान झाले होते.
शेतकरी वर्ग यातुन सावरत नाही तोवर आता पुन्हा एकदा राज्यात पावसाळा सुरुवात झाली आहे. हवामान विभागाने महाराष्ट्रासह काही राज्यांमध्ये पुढील 72 तास पाऊस पडणार असे सांगितले आहे. तर काही राज्यात हवामान खात्याने गारपीट-वादळाचा इशारा दिला आहे.
जाणून घ्या हवामान प्रणाली
हवामान प्रणालीबद्दल बोलायचे झाल्यास एक चक्रवाती परिवलन ईशान्य बांगलादेशावर आहे तर दुसरे चक्रीवादळ नैऋत्य राजस्थान आणि लगतच्या बांगलादेशावर आहे. त्यामुळे हवामानात बदल दिसून येत असून राजधानी दिल्ली येथे आकाश ढगाळ राहू शकते.
जोरदार वाऱ्याचा अंदाज वर्तवला आहे. तसेच विदर्भ तेलंगणा आणि रायलसीमा ते छत्तीसगडच्या मध्यभागातून दक्षिण तामिळनाडूपर्यंत एक रेषा पसरत आहे. त्यामुळे दक्षिणेकडील राज्यांमध्ये अतिवृष्टीचा इशारा दिला आहे. वेस्टर्न डिस्टर्बन्स अफगाणिस्तान आणि उत्तर पाकिस्तानवर तयार झाला असून आजूबाजूच्या परिसरात हलका पाऊस पडत आहे.
झारखंडच्या काही भागात देण्यात आला आहे पावसाचा इशारा
झारखंडमध्ये हवामान कोरडे राहू शकते. दुपार आणि संध्याकाळी आकाश अंशतः ढगाळ राहील. पुढील 5 दिवसांत तापमानात लक्षणीय बदल होण्याची शक्यता नाकारली आहे. तर पश्चिम आणि लगतच्या मध्य भागात काही भागात हलक्या पावसाचा इशारा 8 एप्रिल रोजी जारी केला आहे, तर 9 एप्रिल रोजी राज्याच्या दक्षिण आणि मध्य भागात तुरळक ठिकाणी हलका पाऊस पडू शकतो. तसेच 10 एप्रिल ते 13 एप्रिलपर्यंत हवामान कोरडे राहून तापमानात मोठी वाढ दिसून येण्याची शक्यता आहे. तापमान 41 अंश सेल्सिअसपर्यंत वाढेल.
हवामान अपडेट
- तेलंगणा आणि मराठवाड्यात काही ठिकाणी मुसळधार पाऊस पडण्याची शक्यता आहे.
- किनारी आंध्र प्रदेश, यानम, विदर्भ, मराठवाडा, रायलसीमा, दक्षिण अंतर्गत कर्नाटक, केरळ आणि माहे येथे काही ठिकाणी गडगडाटी वादळ, विजांचा कडकडाट आणि सोसाट्याचा वारा सुटू शकतो.
- मध्य महाराष्ट्र, तेलंगणा, छत्तीसगड आणि उत्तर अंतर्गत कर्नाटकात काही ठिकाणी विजा आणि सोसाट्याच्या वाऱ्यासह गारपीट होईल.
- ओडिशा, उप-हिमालयीन पश्चिम बंगाल, सिक्कीम, आसाम, मेघालय, किनारी कर्नाटक, तामिळनाडू, पुद्दुचेरी आणि कराईकलमध्ये वादळ आणि विजांचा कडकडाटहोईल अशी शक्यता वर्तवली जात आहे.
मध्य प्रदेश मधील काही भागात देण्यात आला आहे पावसाचा इशारा
मध्य प्रदेशातील काही भागात पावसाचा इशारा दिल आहे. वेस्टर्न डिस्टर्बन्स सक्रिय झाले तर त्याचे परिणाम मध्य प्रदेशात दिसून येतील. यासंदर्भात अलर्ट जारी केला आहे. हवामान विभागाकडून देण्यात आलेल्या माहितीनुसार, उज्जैनमध्ये २४ तासांत पावसाची नोंद करण्यात आली आहे. येत्या २४ तासात हवामान स्वच्छ राहणार आहे.
बैतूल, छिंदवाडा येथे हलका पाऊस पडू शकतो, तर भोपाळमध्ये हवामान स्वच्छ राहून तापमान वाढेल. येत्या तीन दिवसांत तापमानात मोठी वाढ होऊ शकते. शक्यता आहे. तसेच उष्ण वारे वाहतील. उष्णतेच्या लाटेचा इशाराही हवामान विभागाने दिला आहे.
दिल्लीतील हवामानात बदल
राजधानी दिल्ली हवामानात बदल दिसत आहे. सकाळ आणि संध्याकाळ थंड वारे वाहू शकतील तर दिवस सूर्यप्रकाशित असणार आहे. आज कमाल तापमान 32 अंश सेल्सिअस तर किमान तापमान 19 अंश सेल्सिअस नोंदवले आहे आहे. सक्रिय वेस्टर्न डिस्टर्बन्स असले तरीही, किमान तापमानात वाढ दिसण्याची शक्यता आहे. तसेच या आठवड्यात आकाशात ढगांची हालचाल सुरू असली तरी उष्णतेची प्रक्रिया सुरू राहील. नवी दिल्ली येथे दिवसा उष्मा आणि सकाळी आणि संध्याकाळी आराम जाणवेल.
उत्तर प्रदेशात आजही कडक सूर्यप्रकाश
उत्तर प्रदेशात आजही कडक सूर्यप्रकाश आहे, कमाल तापमान 38 टक्के तर किमान तापमान 20 अंश सेल्सिअस नोंदवले आहे. तापमान वाढण्याची प्रक्रिया सुरूच राहणार असून येते ७ दिवस आकाश अंशतः ढगाळ राहणार आहे. कडक सूर्यप्रकाशामुळे तापमानात वाढ होण्याची शक्यता आहे.
या ठिकाणी 41 अंशांची नोंद होत असून उत्तर प्रदेशात पावसाची शक्यता नाकारली आहे. मात्र, आठवड्याच्या शेवटी हवामानातील बदल दिसून येऊ शकतात. तर राजधानी दिल्लीजवळील भागात हलका पाऊस पडेल.
राजस्थानमध्ये नाकारली पावसाची शक्यता
राजस्थान येथे पावसाची शक्यता नाकारली आहे. या ठिकाणी कमाल तापमान 22 अंश सेल्सिअस तर किमान तापमान 35 अंश सेल्सिअस नोंदवले जाईल. ताशी 6 किलोमीटर वेगाने वारे वाहून आर्द्रता 16 अंशांवर नोंदविली जाईल. याशिवाय वेस्टर्न डिस्टर्बन्स कमकुवत झाले तरीही पावसाचा इशारा दिला नाही. राजस्थानमधील सक्रिय वेस्टर्न डिस्टर्बन्समुळे, 8 आणि 9 तारखेला काही ठिकाणी हलका पाऊस पडेल.
ओडिशा आंध्रमध्ये देण्यात आला पावसाचा इशारा
ओडिशाच्या अनेक जिल्ह्यांमध्ये मेघगर्जनेसह मुसळधार पावसाचा इशारा दिला आहे. उष्णतेची लाट सदृश्य परिस्थिती निर्माण होण्याची शक्यता नाकारली आहे. येत्या चार ते पाच दिवसांत तापमानात १ अंशाची वाढ नोंदवली आहे. परंतु, या ठिकाणच्या लोकांना सावध राहण्याचा सल्ला दिला आहे. याशिवाय आंध्र प्रदेशातही पावसाची शक्यता व्यक्त केली आहे. रायलसीमा भागातही पाऊस पडेल.
पुढे हवामान खात्याने असे म्हटले आहे की, यावेळी जास्त उष्मा होण्याची शक्यता नाही. परंतु अनेक भागात तापमानात वाढ होईल पण ही वाढ अतिशय संथ असणार आहे. हवामान खात्याच्या मतानुसार, उत्तर पश्चिम भारतासह देशाच्या काही भागात तापमान वाढू शकेल, परंतु त्याचा वेग खूपच कमी असेल. या आठवड्यात कोणत्याही भागात उष्णतेची लाट येण्याची शक्यता नाकारली आहे. तर मागील महिनाभरात पावसाने दडी मारली असल्याने वातावरण आल्हाददायक राहिले आहे.
आज महाराष्ट्रात हलक्या ते मध्यम पावसाची नोंद झाली
हवामान खात्याच्या मतानुसार, आज ओडिशा आणि तेलंगणासह महाराष्ट्रात हलक्या ते मध्यम पावसाची नोंद होण्याची शक्यता आहे. तसेच वादळ आणि विजांचा कडकडाट सुरू राहणार असून राजधानी दिल्लीसह जम्मू-काश्मीरच्या हवामानात लक्षणीय बदल झाला आहे. तर हरियाणा पंजाबमध्ये तापमानात वाढ दिसून येईल. आसाम, मेघालय, मणिपूर, नागालँड, मिझोरामसह अरुणाचल प्रदेशात मुसळधार पावसासह वादळाचा इशारा दिला आहे.
या भागात पडणार पाऊस
मागील २४ तासांत जम्मू काश्मीर, लडाख, अरुणाचल प्रदेशसह राजस्थान, आसाम, मेघालय, नागालँड, मणिपूर, मिझोराम, त्रिपुरा, हिमाचल, पंजाब, हरियाणा आणि पश्चिम मध्य प्रदेश आंध्र प्रदेशसह अनेक राज्यांमध्ये पाऊस पडला आहे. तर राजस्थान आणि तेलंगणामध्येही गारपीट झाली आहे.
या भागात देण्यात आला आहे पावसाचा इशारा
वायव्य भारताच्या राज्यात हवामानात कोणताही महत्त्वपूर्ण बदल होण्याची शक्यता नाही. ओरिसात पाऊस सुरू असला तरी वादळी वाऱ्याची स्थिती कायम राहील. तर हिमालयीन पश्चिम बंगाल, सिक्कीममध्ये पाऊस आणि वादळाचा इशारा दिला आहे.
ओडिशासाठी ७ एप्रिल रोजी गारपिटीचा इशारा दिला आहे. तर जोरदार वारे वाहू शकतात. दक्षिणेकडील राज्यांमध्ये जोरदार वारे वाहत असल्याने तापमानात घट होईल. 5 दिवसांपर्यंत पावसाचा इशारा दिला आहे. महाराष्ट्राच्या काही भागात मेघगर्जनेसह वादळ येईल. महाराष्ट्र आणि मराठवाड्यातही गारपिटीचा इशारा हवामान विभागाने दिला आहे.
हवामान विभागाने दिला दक्षिण राज्यात पावसाचा इशारा
आंध्र प्रदेश, तेलंगणा, कर्नाटक, केरळ आणि तामिळनाडूमध्येही पावसाचा इशारा दिला आहे. या भागात मध्यम स्वरूपाचा पाऊस येऊ शकतो. तेलंगणा, तमिळनाडूसह अंतर्गत कर्नाटक आणि केरळमध्ये हवामान चांगले राहणार आहे. उत्तर कर्नाटक आणि तेलंगणामध्ये गारपिटीचा इशारा दिला आहे. जोरदार वादळाचा इशाराही हवामान विभागाने दिला आहे.