EPFO : नोकरी करणारा व्यक्ती ईपीएफओचा सदस्य असतो. त्या व्यक्तीच्या प्रत्येक महिन्यात पगारातील ठरावीक रक्कम ईपीएफ खात्यात जमा होते.
पीएफ खाते एका बँकेतून दुसऱ्या बँकेत ट्रान्सफर करायचं असल्यास आपल्याला न्शन पेमेंट ऑर्डर नंबर गरजेचा असतो. अशातच आता EPFO ने उच्च पेन्शनवर परिपत्रक जारी केले आहे.
कोणाला मिळेल जास्त पेन्शन
याबाबत ईपीएफओने माहिती दिली आहे. “हे परिपत्रक अशा कर्मचाऱ्यांशी निगडित आहे ज्यांनी ईपीएफ योजनेंतर्गत उच्च पगारावर योगदान दिले आहे आणि सेवानिवृत्तीपूर्वी त्यांचा पर्याय वापरला आहे, परंतु त्यांची पर्याय विनंती संबंधित आरपीएफसी कार्यालयाने स्पष्टपणे नाकारली आहे. त्यांचे जादा पगारावरील योगदान माघारी पाठवले आहे.
सर्वोच्च न्यायालयाने आपल्या निर्णयात म्हटले आहे की, 31 सप्टेंबर 2014 पूर्वी निवृत्त होणारे कर्मचारी, ज्यांनी 1995 च्या योजनेंतर्गत उपलब्ध पर्यायाचा वापर केला, त्यांना या पेन्शन योजनेच्या तरतुदींतर्गत समाविष्ट केले जाणार आहे.
कोणाला करता येतो अर्ज
- 5,000 किंवा 6,500 रुपयांच्या वेतन मर्यादेपेक्षा जास्त पगारावर कर्मचारी म्हणून योगदान देणारे निवृत्तीवेतनधारक.
- EPS 1995 चे सदस्य असल्याने, दुरुस्तीपूर्व योजनेच्या पॅरा 11(3) च्या तरतुदींअंतर्गत संयुक्त पर्यायाचा वापर केला
- हा पर्याय निवडल्यानंतर पीएफ अधिकाऱ्यांनी तो नाकारला.
पेन्शनधारकांना अर्ज करता येतो?
- ही विनंती आयुक्तांनी विहित केलेल्या पद्धतीने आणि फॉर्मद्वारे केली जाणार आहे.
- पडताळणीसाठीच्या अर्जामध्ये मागील सरकारी अधिसूचनेत नमूद केल्याप्रमाणे अस्वीकरण असावे.
- प्रॉव्हिडंट फंडातून पेन्शन फंड (असल्यास) समभागांचे समायोजन झाले तर निधी पुन्हा जमा केला जाऊ शकतो. यासाठी पेन्शनधारकाला अर्जाद्वारे संमती द्यावी लागेल.
- एक्झम्प्टेड प्रॉव्हिडंट फंड ट्रस्टकडून पेन्शन फंडात निधी ट्रान्सफर करण्याच्या बाबतीत, ट्रस्टीकडून प्रतिज्ञापत्र सादर करावे लागणार आहे. तसेच दिलेल्या मुदतीत ते सादर करणे गरजेचे आहे.
- अशा निधीची जमा करण्याची पद्धत पुढील परिपत्रकांद्वारे उघड होईल.