PM Kisan Latest Update : जर तुम्ही पीएम किसान योजनेचे लाभार्थी असाल तर ही बातमी तुमच्यासाठी खूप महत्त्वाची आहे. केंद्र सरकारने दिवाळीपूर्वी या योजनेचा 12 वा हप्ता शेतकऱ्यांच्या खात्यात जमा केला होता.
परंतु, लाखो शेतकरी या योजनेपासून वंचित राहिले आहे. अशातच आता केंद्र सरकारने या योजनेच्या नियमात महत्त्वाचे बदल केले आहेत. ते बदल कोणते आहेत ते जाणून घेऊयात.
सर्व शेतकऱ्यांच्या खात्यात रक्कम आली नाही
नवीन नियमानुसार, स्थिती तपासण्यासाठी तुम्हाला नोंदणीकृत मोबाइल क्रमांक किंवा नोंदणी क्रमांक वापरावा लागेल. पीएम मोदींनी नुकतीच हस्तांतरित केलेली रक्कम सर्व शेतकऱ्यांच्या खात्यात आलेली नाही.
असे लोक ज्यांची कागदपत्रे योग्य आहेत, ते हप्त्याच्या रकमेसाठी 30 नोव्हेंबर 2022 पर्यंत प्रतीक्षा करू शकतात. याशिवाय ज्यांना शंका आहे ते त्यांचा लाभार्थी स्थिती तपासू शकतात. याद्वारे तो लाभार्थी आहे की नाही हे तुम्ही जाणून घेऊ शकता.
लाभार्थी स्थिती कशी तपासायची
- प्रथम तुम्ही http://pmkisan.gov.in पोर्टलवर जा.
- येथे, शेतकरी कॉर्नर विभागात जाऊन, लाभार्थी टॅबवर क्लिक करा.
- नवीन पृष्ठ उघडल्यावर, नोंदणीकृत मोबाइल क्रमांक किंवा नोंदणी क्रमांक प्रविष्ट करा.
- आता कॅप्चा कोड योग्यरित्या भरा, सबमिट वर क्लिक करा आणि लाभार्थी स्थिती तपासा.
पीएम किसान सन्मान निधी योजना केंद्राच्या मोदी सरकारने शेतकऱ्यांची आर्थिक स्थिती सुधारण्यासाठी आणि त्यांचे उत्पन्न वाढवण्याच्या उद्देशाने सुरू केली होती. या योजनेअंतर्गत देशभरातील सुमारे 12 कोटी शेतकऱ्यांना सरकारकडून दरवर्षी 6 हजार रुपये दिले जातात. प्रत्येकी दोन हजार रुपयांच्या तीन हप्त्यांमध्ये ही रक्कम शेतकऱ्यांच्या खात्यावर वर्ग केली जाते.