iPhone 15 : देशात आयफोन 14 लॉन्च झाल्यांनतर आता आयफोन 15 मालिका लॉन्च होण्याची चर्चा आहे. हा स्मार्टफोन पुढील वर्षी म्हणजेच 2023 मध्ये लॉन्च केली जाईल.
नवीन लीक्सवरून असे दिसून आले आहे की आयफोन 15 अल्ट्रा या हाय-एंड फोनमध्ये टायटॅनियमचा वापर केला जाईल, ज्यामुळे फोन खूप मजबूत होईल. टायटॅनियमच्या वापरामुळे फोनची किंमतही खूप वाढणार आहे. iPhone 15 Ultra च्या किंमतीबाबत एक नवीन खुलासा झाला आहे.
आयफोन 15 अल्ट्राची भारतात किंमत
iPhone 15 Ultra ची सुरुवातीची किंमत $1299 (1,07,372) असेल. सध्या कंपनीचा सर्वात महागडा फोन iPhone 14 Pro Max आहे, ज्याची सुरुवातीची किंमत $1099 (90,846) आहे. वाढीव उत्पादन आणि नफा मिळविण्यासाठी किंमत जास्त ठेवली जाईल, तसेच टायटॅनियममुळे फोन खूप जास्त किंमतीला विकला जाईल. iPhone 15 Ultra चे फीचर्स देखील लीक झाले आहेत. जाणून घेऊया..
आयफोन 15 अल्ट्रामध्ये टायटॅनियमचा वापर
ऍपल मार्जिन काढू शकत नाही आणि त्याचे नुकसान भरून काढण्यासाठी उत्पादनाची किंमत वाढवण्याची योजना आखत आहे. कंपनी iPhone 15 Ultra मध्ये टायटॅनियम वापरणार आहे.
आतापर्यंत कंपनी आपल्या हाय एंड आयफोनमध्ये स्टेनलेस स्टीलचा वापर करते. स्टेनलेस स्टीलच्या तुलनेत, टायटॅनियम अधिक मजबूत आणि अधिक महाग आहे. म्हणूनच iPhone 15 Ultra ची किंमत खूप जास्त असेल.
आयफोन 15 अल्ट्रा स्पेक्स
जास्त स्टोरेज असलेल्या स्मार्टफोनला जास्त मागणी आहे. अशा परिस्थितीत Apple कमी स्टोरेजमध्ये iPhone 15 Ultra आणणार नाही. रिपोर्टनुसार, iPhone 15 Ultra मध्ये 256GB स्टोरेज असेल.
कंपनी हा फोन 128GB वेरिएंटमध्ये लॉन्च करणार नाही. जर अफवांवर विश्वास ठेवायचा असेल तर फोनमध्ये ड्युअल फ्रंट कॅमेरा आणि USB-C पोर्ट असेल, जो लाइटनिंग पोर्टची जागा घेईल.